یای مؤوسومون‌ده اینسانلارین ان چوخ اوز توتدوغو مکانلاردان بیری دنیز و اونون قوم‌لو ساحللری‌دیر. اونلارین هر ایکی‌سی ساغلام‌لیق اوچون چوخ بؤیوک اهمیت داشیییر.

آخار. آذ خبر وئریر کی، دنیز سویونون ترکیبی میکروالمنتلرله زنگین‌دیر. ماقنئزیوم ایممونیتئتی برپا ائدیر، کالسیوم سوموکلری محکملندیریر، کالیوم قان تضییقینی نورماللاشدیریر، بروم سینیرلری ساکیتلشدیریر، یود اورقانیزمین مبادیله پروسئسلرینی قایدایا سالیر. دنیزده اوزمک دامارلارین محکه‌مله‌نمه‌سی و عضله‌لرین راحاتلاشماسینا سبب اولور. حکیملرین رایینه گؤره، دنیز سویو دری اؤرتویونون مسامه‌لرینین تمیزله‌نمه‌سینه و درینین جوانلاشماسینا کؤمک ائد‌ن ان یاخشی واسطه‌دیر. دنیز سویو بیر سیرا خسته‌لیکلر زامانی شفاوئریجی رول اویناییر. دنیزده چیمدیک‌دن سونرا هماتوما و گؤیرتیلر ایتیر، بد‌ن‌ده اولان جیزیق و چاپیقلار تئز ساغالیر. اویناق خسته‌لیکلری، سس تئللرینین برپاسی و بوتون بوغاز خسته‌لیکلری زامانی دا دنیز سویو مصلحت گؤرولور.

قوملا معالیجه ده طبابت‌ده چوخ‌دان سیناق‌دان چیخاریلان شفا اصوللارین‌دان بیری‌دیر. آرتروز، آرتریت، رئوماتیزم، پولیمیئلیت خسته‌لیکلری، هابئله سینیر سیستئمینین نئورالوگییا، نئوریت، رادیکولیت خسته‌لیکلری زامانی دنیز قومو عوضسیز شفا منبعی ساییلیر.