اون یئددی مرتبه بلکه ده اون یئددی ثانییه دئمک‌دیر.

اون یئددی ثانییه… بو ثانییه‌لرین هانسینداسا بلکه ده یئنی‌دن گئرییه اوچوب آیاقلارینین دامدان آرالاندیغی یئره قاییتماق ایستدین. بلکه ده یوخ. نیه بونو ائتدین — هئچ کیم بلکه ده بیلمه‌یه‌جک.

سنینله آددا-بوددا گؤروشلریمی خاطیرلاییرام. هئچ اون یئددی دفعه اولماز. اون یئددی جمله دئدیکمی بیر-بیریمیزه؟! اون یئددی دفعه باخیشلاریمیز دئدیمی بیر-بیرینه؟! بونلار اولسا دا، اولماسا دا، اؤنملی دئییل، بیز بیر-بیریمیزی آنلامیش ایدیک.

منی آنلایان، منیم آنلادیغیم کیشیلردن بیری ده آزالدی. من ده بیر نفر قدر آز قالدیم.

سوروشمایاجاغام کی، نیه بئله ائتدین؟! یقین، سنه هانسی‌سا سیرر آگاه اولموشدو و سن اونو اؤزونله گؤیه اوچوروب هامیدان گیزلتدین.

بو سیرری آختارانلار چوخ اولاجاق. اما اونو بیلمک کیمسه‌یه میسر دئییل.

آرخانجا باخیرام و سن هله ده اوچورسان.

مؤولود… مؤولود…