یوخاری

دغدغه‌لری دییشیلن میللت

آنا صحیفه یازارلار
12 Punto 14 Punto 16 Punto 18 Punto

نئچه ایل اؤنجه ائرمنی‌لر قاراباغ تورپاقلارینا یۆگوردوکلری چاغ، گونئی آذربایجانلی‌لار قوزئی‌لی‌لردن چوخ او بؤلگه‌ده یاشایان قانداشلاری‌نین دوروملاریندان نییاران اولاراق، دسته‌ـ‌دسته آرازدان کئچیب ساواشماق اۆچون بؤلگه‌یه گئتدیلر، کیم‌لری‌ایسه اللریندن گلدیگی قدر مادی یاردیم ائتدیلر، س. گ. م کیمی بؤیوک شاعیریمیز اوتوردوغو ائوی ساتیب قاراباغلی باجی‌ـ‌قارداش‌لارینا کامییون کامییون یئیه‌جک و... یوللادی، کیم‌لری‌ایسه معنوی یاردیملارینی اسیرگه‌مه‌دی و...

آنجاق بوگۆن گؤزوموزون اؤنونده، یوردوموزون آرزی‌لار مئشه‌سی اولان قاراداغیمیز، آلاولار ایچره آلیشیب یانارکن، سوروملولارین سوسوب، یاندان باخدیقلاری و هئچ بیر اولوملو(مۆثبت) ایش گؤرمه‌مه‌دیکلری کیمی، میللتیمیز ده سوسوب ـ یاتیبلار.

سانکی قاراداغ آذربایجان تورپاغیندان ساییلماییر و اوردا یانیب کۆل اولان وارلیق بیزلره آیید دییل.

چوخلاریمیزین بوگۆنکو دغدغه‌‌سی تیراختورون یئنی فورواردی، زونوزی جنابلاری‌نین فیتیله‌لری شئح‌چکمیش بومبالاری، تیراختور تیمینین پالتارینا فخر ائتمک و پارسا خائف‌ین رای(اوی) قازانماسی‌ اولوبدور، همن میللت یوردوموزون[اؤزه‌للیکله قاراداغین] آغاج‌لاری کسیلیب، تالان اولونان چاغ‌، همیشه کی کیمی دوروب یاندان باخاراق بوش ـ بوش دانیشیب سانال(مجازی) دۆنیاسیندا بیر نئچه پوست پایلاشاراق، اگزئستانسییالیسم و پوپولیسم کیمی یئکه ـ یئکه سؤزلری یازیب داوینچی‌نین اثرلرینه توپلومسال باخیشدان باخاراق، گؤزل اؤنرلر وئریب، اؤز بیلگین‌لیک‌لری و آیدین‌دۆشونجه‌لی اولدوقلارینی اۆزه چکدیگی حالدا، "بولود قاراچورلو"نون بو سؤزونو اونوتدولار:
"حایاتین آمانسیز بیر قانونو وارتعصصوبسوز میللت گرک خوار اولسون".

چوخ زامانلار اؤز ـ اؤزومه فیکیرلشیرم گؤره‌سن تیراختور

۸۵‌ ـ‌ جی ایل لیگده اولسایدی، خورداد اولای‌لاری باش توتاردی یوخسا فیتیله و طرحِ‌نو و... کیمی توهینلرین قارشیسیندا سازمان میلل کیمی تکجه ابرازِ نگرانی ائده‌جکدیک...

قاراداغین ۹۱‌ـ‌جی ایلینین زلزله‌سینده، تئلویزیون خنده‌بازاری یاییملاسایدی دا، ان آزی میللتیمیز او گۆنلر قاراداغی یالنیز بوراخمادیلار... آنجاق بوگۆنلر هر نه‌یین دییشدیگی کیمی میللتیمیزین دغدغه‌لری ده دییشیلیب و...

تاریخ
2019.08.23 / 10:55
مولف
داودعبدی
دیگر خبرلر

پزشکیان علیئوله هانسی دیلده دانیشاجاق؟

تورکلره آتش آچمادیغینا گؤره گوله‌لنه‌ن ۲۰۰ عسگر

پرزیدنت سئچکیلری: رئیسینین یئرینه کیم گله‌جک؟

گونئی‌لی پداگوگ باغچه‌بان دوغوم گونودور

قادین گولرسه...

نه آغلارسان، نه سیزلارسان، بیر دردی بئش اولان کؤنلوم...

تبریز دلیلری بیزی اؤزباشینا بوراخدی... – تبریزلی یازار

تبریزلیلره آچیق مکتوب: او کیشی کیمدیر؟

هیمنیمیزه غضبیمیز واردی، میزیلدانیردیق…

ارمنی تعصبو چکه‌ن «بایقوش» آذربایجانلیلار

خبر خطّی
Axar.az'da reklam Bağla
Reklam
Bize yazin Bağla