آنا صحیفه یازارلار |
سون واختلار تئز-تئز سسلهندیریلهن مشهور و آغریلی بیر فیکیر وار: «آذربایجان اؤز تورپاقلاری ایله همسرهد اولان یئگانه اؤلکهدیر».
بو فیکیر زامان-زامان موختلیف فورمالاردا اؤز تصدیقینی تاپیر. نئجه کی، اؤتن گون بیر داها تاپدی: گورجوستانلا سرحدده بیر چوبان سوروسو ایله آذربایجان اراضیسینه داخیل اولوب و سرحدچیلریمیز چوبان ایتلرینین هوجوموندان سونرا موداخیله ائتمهیه مجبور قالیبلار. حادثه زامانی ایتلر اؤلوب، چوبان یارالانیب. معلوم اولوب کی، یارالانمیش چوبان گورجوستان وطنداشی اولان آذربایجانلی ایمیش.
رسمی تیفلیس ایسه حادثه ایله باغلی ایستینتاق باشلادیب.
تصور ائدین: تورپاق بیزیم، آتش آچان بیزیم، یارالانان چوبان بیزیم، سورو بیزیم، چوبان ایتی بیزیم... اما ایستینتاقی باشلادان تیفلیس.
گورجوستان وطنداشی اولان آذربایجانلی دا، اونون قویونو دا، ایتی ده ایندیکی آذربایجان اراضیسیندهکی داغی-داشی یاخشی تانیییر. او قویون، او ایتلر اوچون بو سرحد یوخدور، چونکی گنتیک یادداشلاریندا بو تورپاقلار بوتؤودور!
بیلیرسینیز بو نه دئمکدیر؟
تحقیر، ساوادسیزلیق، آواملیق سیموولونا چئویردییمیز قویون بوتؤولویو درک ائدیر، بیز درک ائده بیلمیریک. لاغ اوبیئکتی ائتدییمیز قویون بیزدن داها تامدیر، بوتؤودور.
بورچالی دا، دربند ده، تبریز ده قاراباغ کیمیدیر، اصلینده. قاراباغی ایتیردییمیز کیمی، او تورپاقلاری دا ایمپریالیست قوهلرینین مستثنی رولو سایهسینده ایتیرمیشیک.
طبیعی، بورادا صحبت قونشو، دوست گورجوستانا، یا دا روسییایا اراضی ادعالاریندان گئتمیر. صحبت کرکوکدن سمرقنده قدر اراضی تفکرونه مالیک اولان آذربایجان اینسانینین باکی بویدا دوشونمهسیندن گئدیر.
اکثریت یئرلیبازلیق ائدیب، دوغولدوغو رایون بویدا دوشونور. اونا گؤره بیزیم اینسانلارین چوخوندا باخیش بوجاغی دار، بیرطرفلی اولور.
مثلاً، هانسیسا اورتا ایستاتیستیک آذربایجانلی خاریجده ایکن، توتاق کی، نظامیدن، اوزئییر حاجیبیوودان، لطفی زادهدن دئییل، اؤز رایونونون یئمکلریندن، نه بیلیم، چکیلمه آراقدان، موتال پئندیریندن دانیشیر. داها باشا دوشمور کی، قفقاز اینسانینین جانینا هوپموش یئییب-ایچمک کولتورو غرب اینسانینا ماراقلی دئییل، غربلینی قارنینی دویورماق او قدر ده ماراقلاندیرمیر. بونا اجنبیلرله صحبتیمده ده شاهید اولموشام.
نسه...
صحبتی چوخ اوزاتمادان دئییم: بؤیوک فاکتلار بؤیوک دوشونجهلردن یارانیر.
سنین هیندیستانا قدر گئدیب چیخمیش نادیر شاهین، آمریکادان یاپونییایا قدر علمی جیغیر آچمیش لطفی زادهن، غربین کیتابخانالاریندا اؤزونه یئر توتموش نیظامین، فضولین وار.
اونا گؤره ده سنین ۸۶،۶ مین کوادرات کیلومتر بویدا دوشونمهیه حاقین یوخدور.
تاریخ
2019.12.12 / 11:33
|
مولف
آقشین اورن
|