آذربایجانین گؤرکملی شاعیری احمد جواد، ۱۹۳۶.جی میلاد ایلینده گنجه کند تصرفاتی اینیستیتوسوندا بیر یئرده ایشله‌دییی معلم دوستونا بیر خواهیش ائدیر.

دئییر کی سنه بیر شعر وئریرم، اونو آل، اوخو، ازبرله و جیر. زامانی گلر اوزه چیخار. دوستو دا اونون سؤزونو اجرا ائدیر. شعری ازبرله‌دیکدن سونرا جیریر.

۱۹۳۷.جی ایلده احمد جواد سووئت حاکیمیتی طرفیندن توتوقلانیر و ۱۵ دقیقه‌لیک محاکمه‌دن سونرا خالق دوشمانی جورمو ایله گوله‌له‌نیر.
۱۹۸۸.جی ایلده معلم دوستو یاتاغا دوشدویونده اؤز اوغلونو یانینا چاغیریب، دئییر او زامان احمد جواد منه بیر شعر ازبرله‌دیب، اونو یازین، ایتیب باتماسین. او بو شعری اوغلونا ازبرله‌دیر و او دؤورون سیاسی سیخینتی‌لاریندان دولایی نئچه ایله قدر بو شعر آتا-اوغول آراسیندا گیزلی قالیر.

۱۹۹۰.جی ایل‌لرده تهلوکه‌نین باشدان کئچدییینی حس ائدن فاضیل ممداوو باشلاییر آرا-سیرا مجلیس‌لرده احمد جوادین بو شعرینی اوخویور.

نهایت ۲۰۰۴.جو ایلده همین شعر «گنجه باسار» قزئتینده ایلک دفعه اولاراق باسیلیر. ۶۸ ایلدن سونرا ایشیق اوزو گؤرن شعر بودور:

من بیر قولام، یوک آلتیندا ازیلمیشم قارداشیم
سئوینج بیلمز بیر محکومام، آه و زاردیر سیرداشیم
دامغا ووروب، زنجیرله‌ییب توللامیشلار زیندانا
قارلی-بوزلو جهنم‌لر مسکن اولموشدور مانا
منه «دینمه! سوس!» دئییرسن، نه واخاتاجان سوساجام؟
بؤحران‌لارین، هیجران‌لارین، محبسینده قالاجام؟

نئجه سوسوم، دانیشماییم، من ائلیییم خیانت؟
هانی سئوگی؟ هانی وطن؟ دی هاردا قالدی میللت؟