آنا صحیفه یازارلار |
بو گونلرین غئیرعادی اولدوغونا گؤره، هامیدان ائودن ائشییه چیخماماق ایستهنیلیر. بو ایش هرنهدن چوخ، اؤزوموز و عائیلهمیزین ساغلاملیغی اوچوندور. بو ایش جیددی آلینمادیغی بیر دورومدا، ضرر زیانی ایله اوغراشمالی اولاجاغیق.
گئرچکدن ایندیکی دورومدا، حاکیم دؤولتین یؤنتمنلیک باجاریغینین اولوب اولماماسیندان یانا، وطنداشلیق بیلینجیمیزی و سوروملو اولوب اولماماغیمیزی جیددی شکیلده سیناغا چکیبدیر!
بو آجیناجاقلی دورومدا، دؤولتین باشاریسیز اولماسینی گؤردویوموزده، یقین کی وطنداشلاریمیزین چوخ ائتگیلی اولماسی گرهکیر.
نئجهکی توپلومون بیر گمی کیمی اولماسینی بیلدیییمیزده، هئچ کیمین تک باشینا یاشاییب یالنیز اؤز بیلدییینی یئرینه یئتیرمهسی هئچ ده بیزیم جمعی سعادتیمیزه سونوجلانمایاجاق. نه قدر بئله اینسانلارین چوخ اولدوغو یئرده، همن او قدر موتلو یاشاملا، گلیشمیش توپلوما ساری گئتمکدن اوزاقلاشاجاغیق.
دؤولت یؤنتمنلییینین باشاریسیزلیغیندا وطنداشلارین سوروملو اولماسی چوخ گرهکیر.
ائشییه چیخماغا چئشیدلی و عاغلا گلن دلیللر اولسادا، یقین کی جاندان آرتیق دئییل. بئله بیر دورومدا، ایشلر و گؤروشلری سانال دونیا یوخسا همن "ائورنسل کندجیک" بیر بدل کیمی یئرینه یئتیرمک، طبیعی کی چوخ ایشه گلن بیر سئچهنکدیر. باشقا بیر آچیدان باخساق، کرونا تکجه بیر سورون دئییل، بلکه سوروملولوق و توملومون قاناجاغی و دوشونهجهیینین نه درجه ده اولماسینا بیر سیناقدیر.
تاریخ
2020.03.21 / 18:24
|
مولف
Axar.az
|