بو گون مایین ۲۱-دیر. سیزه عادی تاریخ کیمی گله بیلر، اما قتییه‌ن ائله دئییل. بو گون ارمنیلر شوشانی ایکینجی دفعه ایشغال ائد‌جکلر – قاراباغ‌داکی قوندارما-تئررورچو رژیمین «پرزیدنت»ی آندیچمه مراسمی کئچیره‌جک. شوشادا...

احتیمال وار کی، شوشانی قاراباغداکی قوندارما رئیمین پایتختی اعلان ائتسینلر. دونن بونو دوستوما دئدیم، هؤنکور-هؤنکور آغلادی.

شوشا آزبایجانین مدنیت پایتختی، روحانیتی‌دیر. شوشا آذربایجانین قدسودور، مککه‌سی‌دیر. ایسلام دونیاسی نئجه قودس اوغرون‌دا سفربر اولوب آیاغا قالخیبسا، بیز ده ائله ائتملیگیک. شوشامیزی – بو مقدس شهریمیزی دوشمنین موردار آیاقلارین‌دان تمیزلملیگیک.

طبیعی، بونو اوردوموز ائتمه‌لی‌دیر. بیز ایندی چاره‌سیزجه‌سینه گؤزلمکدییک. اما هیسس ائدیره‌م، اینسانلار آرتیق گؤزله‌یه بیلمیرلر. بو، باشقا صحبتین مؤوضوع‌سودور، گلیم متلبه.

دئدییم کیمی، شوشا آذربایجانین مدنیت پایتختی‌دیر. و بو گون شوشایا دیه‌ن موردار آیاقلار آذربایجان مدنیتینه ده دیه‌جک. اما اؤزلرینه آذربایجانین مدنیت خادیملری دئیه‌نلر فیل قولاغین‌دا یاتیبلار. اونلاری ائرمه‌نیلرین بو گون شوشادا کئچیره‌جکلری توی-بایرام یوخ، باکی‌دا توی-بایراملارین نه واخت باشلایاجاغی دوشوندورور. آنجاق تویلاردان، شن‌لیکلردن ۵-۱۰ مین آلیب قارینلارینی اوتارماغی فیکیرلشیرلر. هله بیر اوتانماز-اوتانماز دا تویدا «شوشانین داغلاری» ماهنی‌سی اوخویورلار. گویا بونلارین یادینا شوشا دوشور.

دئیه‌جکلر کی، بیز موغننیگیک، گئدیب قاراباغی آلاسی دئیی‌لیک کی!

سیزدن قاراباغی طلب ائد‌ن یوخ‌دور. باشقا واخت سایتلارا زنگ ائدیب سینه‌نیزین سلیکونو، سون مودئل ماشینینیز حاقین‌دا چرنلییرسینیز. بو دفعه ده زنگ ائدیب شوشادان دانیشین، ایشغاللا باریشمادیغینیزی گؤسترین. عمومیتله، تورپاغی ایشغال‌دان اولان بیر موغه‌ننینین، آکتیورون، یازارین میللی مؤوقئیی اولمالی‌دیر. یوخ‌دورسا، اونون اؤزو ده، صنعتی ده یئکه بیر لوخ تورباسی‌دیر.

آخشام ارمنیلر شوشادا آتشفشان‌لیق ائد‌جکلر، او آتشفشانلیغین آلووو، ایستیسی بیزی ده یاندیراجاق.

بیزی هم ده او یاندیراجاق کی، خالق بو ساختاکار، بایاغی موغننیلری صاباح یئنه ۵-۱۰ مین وئریب تویونا چاغیراجاق.