Axar.az
یوخاری
17 اوکتیابر 2019


آنا دیلی گۆنۆ مۆناسبتی‌یله بیناب شهرینده تؤره‌ن گئچیریلدی

آنا صحیفه آنا دیلی
12 Punto 14 Punto 16 Punto 18 Punto

جوما گۆنۆ بایرام آیی‌نین اۆچۆنجۆ گۆنۆ (۲ ایسفند ۱۳۹۷) دۆنیالیق آنادیلی گۆنۆ مۆناسبتی‌یله شرقی آذربایجان اوستانی‌نین بین‌ائو (بیناب) شهرینین میللی - مدنی تورک چالیشقانلاری تؤره‌ن گئچیردیلر.

تؤره‌ن'ین بیرینجی چیخیش ائده‌نی دؤهتۆر قادر کیانی قوناقلارا خوش‌گلدینیز دییه‌رک آرتیردیلار: بۆتۆن میللت‌لرین وارلیقلاری ایکی بؤلۆمه بؤلۆنۆر. ماددی وارلیقلار و معنوی وارلیقلار. ماددی وارلیقلارین باشیندا توپراق دورور. اوْنو قوْرویوب ساخلاماق اوچون اوْردو و قوْشون لازیمدیر. معنوی وارلیقلارین باشیندا دیل و فرهنگ دورور. اوْنو قوْرویوب ساخلاماق اوچون اوْنو دالدان گلن نسل‌لره چاتدیرماق (انتقال) لازیمدیر. بو ایش دوْغما آنادیل‌ده تحصیل آلماقلا مۆمکۆندۆر. آما تأسف‌لر اوْلسون بیز ایران تۆرکلری بو دوْغال حاققیمیزدان محروموق.

ایکینجی چیخیش ائده‌ن آقای مختار ابراهیمی اولدولار. او دئدی: قیرخ ایلدیر آنایاسانین ۱۵. و ۱۹. اصل‌لرین اجراء اولماسین ایستیریک آما تأسف‌لر اوْلسون بیزیم بو حاق ایستگیمیزه ایعتناسیزلیق اوْلور. پس بو اصل‌لرین کاغیذ اۆسته اوْلوب اوْلماماسینین نه فرقی وار؟

اوچونجو دانیشان آقای داود عظیم‌ زاده اولدولار. داود بی دئدی: آناقانون دولت‌له میللتین آراسیندا بیر میثاقدیر. تأسف‌لر اولسون دولتین بو میثاق‌دا عؤهده‌سینه دۆشه‌ن تۆرکلر حاققیندا وظیفه‌لری یئرینه یئتیرمه‌ییر.

آقای جواد بی ماراقلی بیر شعر اوخودولار. آز یاشلی خانیم قیز آیلار گؤزل بیر تۆرکی شعر اوخودولار. سوْنرا میکروْفوْن آقای غلامرضا عبدی'یه وئریلدی. آناقانونا گؤره قیسا دانیشیقلاری اوْلدو. تؤره‌ن'ین سونوندا دیرلی آغ‌ساققالیمیز آقای رضا بی ماراقلی دانیشقلاری ایله تؤره‌ن'ی یئکونلاشدیردی. سؤزۆن سوْنوندا شهریمیزین دیرلی "ائلشن" موسیقی قوروپوندان اۆرک‌دن تشککۆر ائدیریک.

تاریخ
2019.02.24 / 11:55
مولف
Axar.az
شرح لر
دیگر خبرلر

گونئی‌ده «آنا دیلی» ایله باغلی تورکجه سندلی فیلم حاضرلاندی – ویدئو

نیه «سوروجو» عوضینه «شوفر»، «دایاناجاق» عوضینه «آستانووکا» دئییریک؟

یازی ـ پوزو یانلیش‌لاری

آنا دیلین‌ده دوزلتمه طرزی حرکت ظرفلری- ویدئو

عرب الیفباسیندا دیلیمیزدکی یازی گرافیکاسیندان!

آذربایجان و زبان فارسی

آنا دیلین‌ده ظرف - ویدئو

آنا دیلین‌ده فعلی باغلاما شکیل‌چیلری-داوامی- ویدئو

آنا دیلین‌ده فعلی باغلاما شکیل‌چیلری-ویدئو

آنا دیلین‌ده فعلی باغلاما و اونون شکیلچیلری-ویدئو

خبر خطّی
 
Axar.az'da reklam Bağla
Reklam
Bize yazin Bağla