آنا صحیفه ادبیات |
یازدیغی شعیرلری ایله سئویلن و خالقین رغبتینی قازانان قابیل ایماموئردیئو آذربایجان رسپوبلیکاسینین خالق شاعریدیر. او، ۱۲ آوگوست ۱۹۲۶-جی ایلده باکی شهرینده آنادان اولوب. "منیم ماوی خزریم"، "عمروم بویو"، "نسیمی"، "عمرون حبلری"، "ایلاهی قیسمتی"، "دوستلاریم، تانیشلاریم" آدلی کیتابلارین مؤلفی اولان قابیل ۴ آپرئل ۲۰۰۷-جی ایلده باکیدا وفات ائدیب.
کولت. آذ شاعرین «سهو دوشندیریمیز» شعیرینی تقدیم ائدیر:
دومان داغی دولانار،
قیامت اولار.
دومان یولا ساللانار،
مصیبت اولار.
مصیبت اولوروق بیز،
سهو دوشنده یئریمیز.
عمان گمیسی چایعدا
اوتورار، اوزمز!
چای گمیسی، داغ بویدا
دالغایا دؤزمز!
دؤزومسوز اولوروق بیز،
سهو دوشنده یئریمیز.
موغان حسرت یاغیشا،
بولودلار خسیس...
یاغیش تؤکور تالیشا
هئی-هئی گرکسیز...
گرکسیز اولوروق بیز،
سهو دوشنده یئریمیز.
کوت بیچاق پاریلداییب
خیرچیلتی سالیب.
قیلینج قیندا پاس آتیب
قیندا کورشالیب...
حیف... کورشالیریق بیز،
سهو دوشنده یئریمیز.
آغ بیلکلر گول اللر
تارلادا قابار.
بیر غیرتسیز یئکپر
قیزیل گول ساتار.
غیرتسیز اولوروق بیز،
سهو دوشنده یئریمیز.
تارین پردهلرینی
دوزهنه قوربان!
یئردییش ائت بیرینی،
خاریج وورارسان.
خاریج سسلنیریک بیز،
سهو دوشنده یئریمیز.
۱۹۶۹
تاریخ
2020.05.20 / 10:36
|
مولف
آیتاج قدیراوا
|