آذربایجانین گنج شاعری آقشین ائوره‌نین "آتاما گئجه تلگرامی" شعیرینی تقدیم ائدیریک

آتاما گئجه تئلئقرامی

من یاخشی اینسان اولدوم، آتا، یاخشی اینسان اولدوم...

حیاتلا یاخشی کئچیندین کی، سنی مندن آلماسین،
کیشی کیمی یوخ، اینسان کیمی آغریدیم،
آیاقسیز بیرینی گؤره‌نده آخسادیم کی، تک قالماسین.

من چوخلو اینسان اولدوم، آتا، چوخلو اینسان اولدوم.

عؤمرونو قارانلیغا اؤتوره‌ن بیرینه...
گؤزلرینی ایتیره‌ن بیرینه گول قوخلاتدیم،
ایناندیردیم کی، گول باخماق اوچون یوخ، ایله‌مک اوچوندور.

قولاغی ائشیتمه‌یه‌ن قونشو اوز دایییا
گولومسه‌ین اوشاق شکیللری گؤستردیم.
آخی اوشاقلارین شکلی گولوشلری ائشیتمک اوچوندور.

بوتون گوللره قوجاق آچدیم، آتا،
پارتلامایان مرمیلری تاپیب هامیسینا تشککور ائلدیم.

یاخشی اینسان اولدوم، آتا، یاخشی اینسان اولدوم،
بیرجه... سنین کیمی اولا بیلمه دیم.