هر بیر کوتلوی حرکاتین باشلانغیجدا حرکاتین فعاللاری گله‌جک پلانلاری و سون مقصدلری نظرا آلماسا حرکات تاثیرسیز اولاجاق.

ائله بو سببدن بیر چوخ میللی و اتنیک اولایلارا باشچیلیق ائد‌ن آیدین دوشونجه‌لی موباریزلر، اؤز خیاللارینی اوستون توتاراق جمعیت آراسیندا ایکی تیره‌لیک سالیب اوغورسوزلوغا دوچار اولوبلار.

آجی گئرچکلردن بیریده بودور کی، گونئی آذربایجانین میللی حرکاتی کؤرپه چاغیندان بو تورا دوشموش و بو سببدن ده بیر چوخ ایتگیلر وئرمیشدیر.

ایللر اؤنجه سایین مهندیس یوروش مهرلیبی‌لی یازیب: میللت‌چیلیکدن تیراختورچولوغا یوخ، تیراختورچولوقدان میللته‌چیلییه یوروملیگیک.

ایندی بو دوشونجه‌نین نه درجه دوزگون اولدوغو آرتیق گؤزه چارپیر. یاخین گونلرده تیراختور و تهرانین ایستیقلال کاماندالارینین اوینوندا، بیر قروپ گؤرکمی‌لی میللیل فعال بوتون دونیایا و اؤزللیکله پانیرانیستلره چوخ درین بیر مئساژ وئردیلر. ایندی بو گوجلو اینامی گونئی آذربایجان چئوره‌سیندن، ایران تورکلرینین چئوره‌سینه گئنیشلندیرمک هر بیر ایگیدیمیزین بیرینجی بورجو و مقصدی اولمالیدیر. بیز بؤیوک تورک میللتینین بایراغینی تکجه آذربایجان توپراغیندا یوخ، بوتون ایران جوغرافییاسیندا یاشایان تورک تورپاغلاریندا چیینلریمیزده داشیمالیییق و اولو اؤندر رحمت‌لیک پیشورینین یولونو گئتملیگیک. پیشوری، ۷۲ ایل اؤنجه بویورموشدو "آذربایجانا آزادلیق ، ایرانا دموکراتییا". همین واخت ایراندا یاشایان میللتلر بو سؤزو دوشونوب عمل ائتسه ایدیلر، او چاغلار میللی حکومتیمیز باسیلمازدی.