کولت. آذ واقیف نصیبین "صفوی بوتاسی" آدلی حکایه‌سینین بئشینجی حیسه‌نی تقدیم ائدیر:

سویوق‌لوغو اونو طبیعی اوشاق‌لیق و یئنی‌یئتمه‌لیک حیاتی، یاشاماغا سسله‌دی. یئتکین یاشینا کیمی صبر ائدیب قیلینجا و یا قلمه ساریلاجاغینی گؤزله‌مه‌لی ایدی.

قلبینین حرارتین‌دن کؤروک‌لنه‌ن چیلغین‌لیغی شئیخ صفی توربه‌سین‌ده یان-یانا اویویان بابا و آتاسینین روحونون موباریز قیزیلباش هارایینی یئتیریردی: "بیر نسلین سون اومی‌دی کیمی اونون اوجاغین‌دا مادار قال‌می‌سان.

همین نسلین و قیزیلباشلار نسلینین اومید چیراغینی یالنیز و یالنیز سن یان‌دیرا بیلرسن". سانکی همین هارای بابا و آتاسین‌دان سونرا دوغماسی و سیمسارینا چئوریلمیش له له حسینه ده چاتمیشدی. آخشاملارین بیرین‌ده صیفتی ده شر آلاقارانلیغینا چکیلمیش شکیل‌ده ایسماییلین باشینین اوستونو آلدی. قارا البیسه‌سین‌ده (عزیزی شیخ حیدری ایتیردیکدن سونرا ماتم رمزینه بورونمیی قرارلاشدیرمیشدی) له له‌سینی گؤیلردن یئنیجه ائنمیش قارا ملیکه‌یه بنزتدی. و ملیکه دیلین‌ده سونراکی تالعیی باره‌ده گؤیلرین فرمانینی ائشیتمه‌یه حاضیرلاشدی.

- بو دفعه احتیاط اوجباتیندان گئجه سیاحتینه دعوت ائد‌جه‌یه‌م. قارا نیتلیلر اوجباتیندان قارانلیقلارا قاریشماغیمیز لازیم گلیب.

اوشاغین ایری گؤزلرینین حیرتدن بؤیودویونو گؤروب، الینین ایشاره‌سیله آرخاسینجا گلمه‌سینی ایسته‌دی.

اونو قسرین دامینا چیخاریب بالاجا پنجره‌دن مولکون داروازا سمتینی گؤستردی. اوردا قارا البی‌سه‌لی آداملار گزیشیردی.

- اونلار کیم، له له؟

- صفوی دوشمه‌نلری، هم ده مالیکانه‌نی اوزوک قاشینا آلیب اوندان قوش دا اوچورماق ایستمیرلر. بوتون اوخلاری دا صفوی نسلینین یئگانه شاهینینه چئوریلیب.

اوشاغین زکاسیندان خبردار له له، اونون جاوابین‌دان تعجبله‌نمه‌دی.

- یعنی ایسماییل حیدر اوغلونا.

- ائله اونا گؤره ده مالیکانه‌دن آیریلمالی اولاجاغیق. سلاح‌سیز درویشه بنزر بیر بندیله بیر تیفیل بو اوزوک قاشینی یارا بیلرمی؟

لله جاوابینی حرکتیله وئرمه‌یه حاضیرلاشدی. الینین ایشاره‌سیله بو دفعه اونو دامیندان، قصرین زیرزه‌می‌سینه ائندیردی. شیخ جونیدین انتیق اشیالاری ساخلانان، موشک-عنبر عطری وئرن، دیوارلاریندان خالی آسیلمیش، دؤشه‌مه‌سینه جیران، جویور دری‌سی سریلمیش اوتاغا گتیردی. ایسماییل باباسییلا برابر بیر نئچه دفعه همین اوتاق‌دا اولموش، اونون اشیالارینا حیران کسیلمیش‌دی. خالیلاردان قیمت‌لی اینجیلرله بزنمیش خنجر و قیلینجلار آسیلمیش‌دی. لمه‌لرده اردبیل زرگرلرینین قیمتلی ال ایشلری برق ووروردو. اوتاغین قاپیسی توشوندا قوز تاختالارین‌دان دوزلمیش رفلرده تبریز رساملارینین مینیاتورلری، خطاتلارینین مختلیف خطلرده الیازمالاری یئرلشمیشدی. باباسی گله‌جکده همین اثرلری اوخوماسینی ایسماییلا مصلحت گؤرموشدو. آخی اوزوک قاشی محاصره‌ده اونلاری اوخوماق اییامی دئییلدی. له له اوشاغین گؤزلرینی یئنه حیرتدن بؤیوتمک ایسته‌مه‌دی.

- آتان، بابان رحمت‌لیکلر تدبیرلی ذاتلار ایدی. باخ، ایندی اونلارین همین کیفیتی ایسماییل بالالارینین دادینا چاتیر.

له له سؤزونون ثبوتونا دوغرو یئریییب کیتاب رفینی وار گوجویله چئویرمه‌یه باشلادی. دئمه، قاپی قنشرین‌ده‌کی همین نهنگ رف اؤزو ده گیزلی قاپی ایمیش. اوردان گیزلی یئرالتی یول اوزانیردی.

- بو یول بیزی اردبیلین کیم‌سه‌سیزلر قبیریستان‌لیغینا آپاراجاق. اوردا آتانین موریدلرینین صادقلرین‌دن بیر قیس‌می یولوموزو گؤزلییر.

هر ایکی‌سی قارانلیغا قرق اولدو. همین آندان قیزیلباشلارین گله‌جک زومرود قوشونون یاراسا اؤمرو باشلادی. (رف قاپینی اؤرتدوک‌دن سونرا آرخاسین‌دا خئی‌لی لنگیله‌مه‌لی اولدولار. و ایسماییل لله‌سینین نئجه احتیاط‌لی اینسان اولدوغونا تام، متتل قال‌دی. لله یانا ییغیلمیش کرپیجلردن رفارخاسینا هاسار هؤردو. یالنیز بئله اولدوق‌دا مالیکانه‌نی الک-ولک ائل‌یه‌نلر یئرالتی یول‌دان خبر توتا بیلمزدی.

موریدلر قبیریستان‌لیق‌دا اونلاری قارشیلادی. ایسماییل اوچون ده آت هازیرلامیش‌دیلار.

- آت چاپماغین‌دان خبردارام. اما گئجه زولمتین‌ده، بلد اولمادیغین یول‌دا یویه‌ن‌دن یاپیشماغین مصلحت دئییل. منیم ترکیم‌ده گئده‌جک‌سه‌ن. ایشیقلاشان کیمی یالمانا یاتاجاق‌سان.

اونلار گیلانا دوغرو بوتون گئجه‌نی آتکئچمز یوللارلا (بیر کیم‌سه‌نین گؤزونه گؤرونمه‌مک اوچون) کؤهله‌نلرینی چاپ‌دیلار. یوللاری اوسته (یئنه بیر قبیریستان‌لیق‌دا) اونلاری قارشیلایان، کؤهله‌نلرینی دییشه‌ن اولدو.

باخ همین یاشین‌دان قیزیلباشلارین یئگانه اومید چیراغی ایسماییل آت یالمانینا یاتاسی اولدو. یئنی‌یئتملیینه، گنجلیینه قدر اؤمرونون ان آتکئچمز یوللارینی کئچه‌سی اولدو. یئری گلدیک‌ده قبیریستان‌لیق کومبزین‌ده یاشادی. گونلرله ایزینه دوشه‌نلری آزدیرماق اوچون آیاغی تورپاغا دیمه‌دی. لنکران خانی اونو خالی سریلمیش، آسما بئشیک‌ده گیزلدیب، آختاریشینا گلنلره علینی "قوران"آ باسیب، آیاغی لنکران تورپاغینا دیمدیی باره‌ده آند دا ایچدی.

همین عؤمور ایسماییلا عذاب‌لی-اذیت‌لی گلمه‌دی. بیر گونونو بزه‌ن بیر هفته، بیر آی اوزی کئچیره‌سی اولسا دا، عذابلارینی جانین‌دان چیخاران باباسینین، آتاسینین قولاقلارین‌دا سیرغا اولموش سؤزلری ایدی. تریقتیمیزین سونونجو سرکرده‌سی سن اولمالی‌سان.

و نهایت، یئنی قیزیلباش سرکرده‌سی شاه ایسماییلین آتی شاها قالخیب اردبیل‌دن، تبریزدن، مملکتین هر یئرین‌دن گؤرونمه‌یه باشلادی.

و شاه ایسماییل باباسینین، آتاسینین کئچه بیلمدیی یوللاری دؤشله‌دی. اقی‌ده‌سی گونش یاغمورونا بنزه‌یه‌ن للدر کیمی آچیل‌دی.

و نهایت، اوزونو سوننی مذهبلرین ان گوج‌لو مکانی اولان عثمانلی سلطان‌لیغینا طرف توت‌دو.

همین دؤورونه قدر شاه ایسماییل شئیخ جونئیدین، شئیخ حیدرین سؤنموش چیراغینی یان‌دیرا بیلمیش‌دی. اؤزونون بیر جوت آلا گؤزدن عبارت مهببت چیراغین‌دا اؤمرونو بختینی ایشیقلاندیرماغا باشلامیش‌دی. (اونا ائله گلیردی کی، بیر زامانلار قونشولوق‌دا گؤزلدیی قیزجیغازین گؤزلرینی بیر جوت مهببت چیچیی کیمی اؤزو بؤیوتموش‌دو. همین گؤزلرین صاحبی ده تاج‌لی خانیما دؤنوب ائولرینه گلین کؤچموش‌دو).

اوشاقلیغینین قلبینین یانغی‌سی کیمی قالمیش بیر آرزوسونو دا موقته‌دیر "باغبانلاری" حسابینا چیچکلندیرمیی باجارمیش‌دی. اوستاد سلطان محمدی سارایا دعوت ائدیب. تبریز رس‌سام‌لیق مکتبی یاراتمیش، اؤزو ده شاگیردلرینین بیرینه چئوریلمیش‌دی.

لنکران‌دا ایچین‌ده گونلرله یاتدیغی خالینی دا اونودا بیلممیش‌دی. اونون بؤیوک‌دن بؤیویونه توخودوب ان دیرلی خالی گولوستانینا چئویرمیش‌دی.