آنا صحیفه ادبیات |
کولت. آذ اسماعیل خرمینین "بیلیرم " آدلی" شعیرینی تقدیم ائدیر:
قورخارسان
یالقیزلیغینین یاز نفسیندن.
پایییزلیغینین پارام پارچا هوسیندن.
بوغازیمدان ،
بوغازایدین منه
اوره ک دوغاجاقدین سئوینه سئوینه.
منسه اوره ییمی یونوب
قلم ائدیب
وئردیم اللرینه.
آیاقلارینا،
قیشغیران
دامارلاریمی باغیشلادیم.
گؤزلرینه
گله جه ییمدن
اوزوک تاخدیم.
دیللرینده
اومیدلرمی
دیلیم
دیلیم ائدیب
دیللردیندیم.
منکی سسیمی
سره بیلمه دیم
سنین سرینلیینه.
پولیسه یاخالانمیشدی
آغ جییارلاریم.
هانسی مقبرلرده
اوره ییمی آختاریم.
هانسی حبس خانالاردا
بارماقلاریمی تاپیم؟
بوغازیم
هاردادیرهاردا
ایندی حبس خانا
جیزگیسین
اوتخونور یوخسا.
اؤگدوگوم بیر آخشام اوستو
توتوشموش بیر توتغون
چرچیوه لرده.
ایچیم سنین اؤنونده گوله لندی
چؤلوم غزئتلرین
باش یازیسی اولدو.
سنی گؤرورم
قورخورسان،
یالقیزلیغیندان، پاییزلیغیندان.
باخ،
اورا باخ،
یازیلارا سوخولموش،
او شورگؤز کولکلر
ساچیندا لام سودولار.
آخیرلار آخیرا قدر
باخیرلار باتلاقلارا قدر
باتیرلار باتییا قدر.
ایندیدن اوره یینی قیبلایا چئویرمه
سنین
قادینلیغا بورونموش آغاجلیغین
آغاجلیغا بورونموش قادینلیغین
وار.
آییرتلا ایچینی
یویوندور گؤده نی
گؤزلریمدن.
بیلیرم قورخورسان
یالقیزلیغیندان
پاییزلغیندان
تاریخ
2019.08.02 / 13:30
|
مولف
آینورا مممدووا
|