بونون سونو فاجعه اولاجاق - ایلهام علیئو
1 مای 23:41
آنا صحیفه ادبیات |
کولت. آذ رامیز رؤوشنین "بیر سحر یوخودان دوروب..." آدلی شعیرینی تقدیم ائدیر:
بیر سحر یوخودان دوروب
اؤزونو اوشاق گؤرهسن.
گؤرهسن هامی ائودهدی،
اؤلنلری ساغ گؤرهسن.
…قورخاسان قاچیب گئدهلر، -
تئز قاپینی باغلایاسان.
گئری دؤنوب ایچریده
بیر تزه قوناق گؤرهسن.
گؤرهسن کی، قاپقارادی
او قوناق باشدان آیاغا.
اوندان باشقا هامیسینین
اوست-باشینی آغ گؤرهسن.
پنجرهدن ایچرییه
دولا، دولا گون ایشیغی.
ایچریده بوش-بوشونا
یانان بیر چیراق گؤرهسن.
سؤندورهسن او چیراغی -
هامی بیردن یوخا چیخا....
اوتاقدا بیر قارا قلم،
بیر ده آغ ورق گؤرهسن...
تاریخ
2019.08.03 / 15:02
|
مولف
آینوره مممدووا
|