یوخاری

۲۱ آذر حرکاتی خاطره‌سینه...فالچی - حکایه - بئشینجی حیصه

آنا صحیفه ادبیات
12 Punto 14 Punto 16 Punto 18 Punto

کولت. آذ اومید نجارینین ۲۱ آذر حرکاتینین خاطره‌سینه حصر ائتدیی "فال‌چی" حکایه‌سینی تقدیم ائدیر:

اولی بورادا

کیتابی باشیمین آلتینا یاستیق اوزی قویوب اوتوراجاق‌دا اوزاندیم. اطراف‌دا اینس-جینس گؤزه دیمیردی. پارک‌دا من‌دن باشقا کیم‌سه یوخ ایدی کی، اؤلوم آنیما شاهیدلیک ائتسین. گؤزلریم کوکنارین سارالمیش بوداقلارینا ایلیشیب قال‌دی. سویوق تر آلنیم‌دان آخیب گؤزلریمه دولوردو. تری‌می کؤینییمین قولو ایله سیلمک ایستدیم، اما علیم قالخمادی. داها اؤلدویومه تام اولاراق اینانیردیم. نه کیرپیک چالا، نه ده گؤزلری‌می قیرپا بیلیردیم. حددن آرتیق دینج بیر حالیم وار ایدی. لوس-آنجلسین بئش اولدوزلو اوتئلین‌ده لوکس بیر چارپایینین اوستون‌ده اوزانمیش کیمی دینج ایدیم. اطرافین سسینی، کولیین ویییلتی‌سینی دویموردوم، هاوانین سازاغینی بئله حس ائتمیردیم. چتین گونلر بو اوتوراجاغین اوستون‌ده بیتمک‌ده ایدی. مترونون ایستان‌سییا آدلارینی دا، دلارین مزه‌ننه‌سینی ده، تلویزییا خبرلرینی ده، ائو کیرایه‌سینی ده اونوتموشدوم. آرتیق دوشونه بیلمیردیم. آخی من اؤلموشدوم!

او بیری دونیانی گؤرمه‌یه تلسیردیم، آناملا گؤروشمه‌یه تلسیردیم. اما گؤزلریم هله ده آچیق ایدی، ساچلاریم گؤزلریمین ایچینه گیریردی. یاواش-یاواش قاتی ظولمت چؤکوردو. کولکلرین سوووروب آپاردیغی سرگردان بولود کیمی چکی‌سیز، یونگول ایدیم. من هاوادان دالغایا چئوریلمیشدیم! هر کس اؤلوم‌دن سونرا بئله راحت اولاجاغینی بیلسیدی، یئر اوزون‌ده بیر اینسان دا قالمازدی. ایچیم‌ده بیریسی سسله‌نیردی: راحاتلاشدین، باخ... نه قدر گؤزل‌دیر بئله اولماق! اؤلومه عشق اولسون!

داها هئچ شئی یوخ ایدی. هر یئر قاران‌لیق و سس‌سیز ایدی، سوکوتون اینقیلابی باش وئریردی.

... قولاغیمین دیبین‌ده هنیرتی حس ائدیره‌م، کیمسه قولاغیما فولییر، دیکسینیب آیاغا قالخیرام. یانیم‌دا دایانمیش ایتی گؤروره‌م، قهویی گؤزلری ایله منه باخیر. ایتین نفه‌سی منی یوخودان اویاتمیش‌دی.

سحر آچیلمیش‌دی، ساعت ۶:۱۵-ی گؤستریردی. کورییم آغریییردی. یئنه گونشین سیفتی، یئنه آوتوبوسلارین سسی، یئنه سرچه‌لرین چیغیرتی‌سی، کوکنار... یالنیز قارشیمداکی ایتین مظلوم باخیشلاری بو احوالاتیمین شدتینی آز دا اولسا آلیردی.. ایت چوخ قملی باخیردی. سانکی منه باخیب اوزولوردو. اطرافیم‌دا گؤردویوم نه واردی‌سا، هامی‌سی منه سلام دئییر، خوش گلدین سؤیلییردی و من بون‌دان چوخ اوزولوردوم...

اوتوراجاغین اوستون‌دن کیتابی گؤتوروب فالچییا دوغرو یولا دوشدوم. او یالان‌چی فالچینین یانینا گئدیردیم. او یالان‌چی فالچینین...

گئدیب اونا دئیه‌جه‌م کی، سن یالان‌چی‌سان، سن منی آلداتدین. نیه اؤلمدیم من؟ نیه اؤلوم‌دن قاییتدیم؟ سن بیر ساختاکار فال‌چی‌سان، ساختاکار...

آخی من نیه اؤله بیلمدیم؟ بلکه فال‌چی اؤلوم زامانینی دقیق دئیه بیلمه‌ییب؟ بلکه چاشیب؟ بلکه یاخین زامان‌دا، ان یاخین گونلرده اؤلجه‌م؟

اینسان اؤلومو درک ائتدیی آندان سونرا یاشاماغی هئچ ایستمیر. هر اینسانا ایتیرمک‌دن، آیریلماق‌دان، ییخیلماق‌دان سونرا اؤلوم لذت‌لی گلیر.

آددیملاریمی ایری-ایری آتیردیم، فال‌چی اؤلوم زامانی‌می اوزاق گونلره دئسه، بیرباشا اینتیهار ائد‌جه‌م. بونو اؤزونه ده دئیه‌جه‌م، دئیه‌جه‌م کی، داها سنین اؤلومومون دقیق زامانینی دئمیینه احتیاجیم یوخ‌دو.

فالچینین اوتوردوغو یئره یاخینلاشدیم. خئی‌لی اینسان توپلاشمیش‌دی، بؤیوک ایزدیهام وار ایدی. قاچا-قاچا ایزدیهامین ایچینه گیردیم. فال‌چی یئریندی‌دی، کوریینی دیوارا سؤیکمیش‌دی، کؤرپه ده قوجاغیندای‌دی. فال‌چی ایله اوشاق آراسین‌دا بیر فرق وار ایدی، اوشاق ترپه‌نیردی، اما فال‌چی داش کیمی حرکت‌سیز اوتورموش‌دو. فالچینین گؤزلری برلمیش، حدقه‌سین‌دن چیخمیش‌دی، یانین‌دا یئرده بوش درمان شوشه‌سی وار ایدی. کؤرپه تعجبله ایزدیهاما باخیردی. اینسانلار پلیسین قورخوسون‌دان کؤرپه‌نی فالچینین قوجاغین‌دان گؤتورمک ایسته‌میردیلر.

من بو حال‌دا موطلق ائوه گئتمه‌لی ایدیم. اوتاغیما گیرمک ایستییردیم، قاپینی باغلاماق، ایشیقلاری سؤن‌دورمک و "ماکولاتورا" کیتابین‌دان آنامین ایگینی آلماق...

تاریخ
2019.08.30 / 09:58
مولف
آینورا مممدووا
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla