آنا صحیفه ادبیات |
کولت. آذ هابیل یاشارین "دونیا اؤزون بویدا درد وئردین منه" آدلی شعیرینی تقدیم ائدیر:
دونیا اؤزون بویدا درد وئردین منه،
بو یوکو چینیمده داشیییرام من.
گؤتورسهن بو یوکو چیینلرینه ،
گؤررسهن آه نئجه یاشاییرام من.
دونیا اؤزون بویدا کدر پایینی،
سن منیم اؤمرومه توش ائیلهمیسهن.
سوزوب بادهلره ایچیب قانیمی،
منیم ساغلیغیما نوش ائیلهمیسهن.
دونیا اؤزون بویدا کدرین،قمین،
بیر اؤزون بویدادا گؤز یاشلارین وار.
نئجه قریبهدیر سنین عالمین،
حاقلی دا،حاقسیز دا ساواشلارین وار.
دونیا اؤزون بویدا درد یوواسیسان،
بو ائوی اوچوروب،داغیتماق اولمور.
سینهمی مین یئردن یارالاییبسان،
ائله بیر یارا کی،ساغالتماق اولمور.
دونیا اؤزون بویدا درد اوکئانی،
سونسوز فیرتینالار اوجاغیسانمیش.
یاخشی تانیمازدیم من بو دونیانی،
سن دئمه ایلانلار قوجاغیسانمیش.
تاریخ
2019.10.12 / 17:46
|
مولف
Axar.az
|