آنا صحیفه ادبیات |
کولت. آذ میکاییل موشفیقین "گئجه دوشونجهسی" آدلی شعیرینی تقدیم ائدیر:
خوشلادیغیم بیر گئجه، یئرلر، گؤیلر ایشیقلی،
آی بیر سرخوش گؤز کیمی، اولدوزلار یاراشیقلی.
بونلاری سئیر ائدرکهن
بیر آز فیکره گئدرکهن
فیکریم، هیسسیم، خیالیم او قدر یوکسلدی کی،
منه اؤیله گلدی کی،
بیزلردن اول نه یئر، نه گؤی، نه حیات اولموش،
نه بو اوجسوز-بوجاقسیز گؤزل کاینات اولموش...
گئجه ساکیت... دوشونجهم ساکیت دئییلدیر فقط،
گؤزلریمین اؤنونده جانلاندی بیر حقیقت.
خیالیم انگینلره او قدر یوکسلدی کی،
منه اؤیله گلدی کی،
ایلک دفعهدیر کاینات-
دونیانی سئللرینده چالخایان بیزیم حیات
ساغدا، سولدا دؤیوشموش،
سونرا یولونا دوشموش.
نه دایانماق واختیدیر، گؤزل دوستوم، سن ده گل!
سئیر ائدلیم قول-قولا بو زومرود چمهنده گل!
گؤی اوزونه بیرجه باخ، هر اولدوز بیر ساری گول،
یاری قؤنچه، یاری گول.
سنی گؤردوم، خیالیم او قدر یوکسلدی کی،
منه اؤیله گلدی کی،
بیزه بو نازلی عالم گؤرونردی قارانلیق،
گؤزل چارپیشماسایدیق، گؤزل یاشاماسایدیق.
خوشلادیغم بیر گئجه، یئرلر، گؤیلر ایشیقلی،
آی بیر سرخوش گؤز کیمی، اولدوزلار یاراشیقلی.
بونلاری سئیر ائدرکهن،
بیر آز فیکره گئدرکهن،
فیکریم، هیسسیم، خیالیم او قدر یوکسلدی کی،
منه اؤیله گلدی کی،
بیزلردن اول نه یئر، نه گؤی، نه حیات اولموش،
نه بو اوجسوز-بوجاقسیز گؤزل کاینات اولموش...
تاریخ
2020.02.18 / 19:47
|
مولف
آینوره مممدووا
|