گؤرکهملی تورک شاعری ناظیم حیکمت (۱۹۰۲-۱۹۶۳) بورسا هبسخاناسیندا جزا چکیرمیش. بیر گون عدلیه نازیرلییندن بیر موفتتیش هبسخانانی یوخلاماغا گلیر. هبسخانا ریسیندن خاهیش ائدیر کی، ناظیم حیکمتی چاغیرسین، اونونلا گؤروشمک ایستییر.
ناظیمی چاغیریرلار. اوتاغا داخیل اولور. آرالاریندا قیسا صحبت اولور. اما نازیرلیین امکداشی شاعره اوتورماغی تکلیف ائتمیر. صحبتدن سونرا «گئده بیلرسینیز» دئییر. ناظیم حیکمت قاپیدان چیخارکهن گئری دؤنور و موفتتیشدن سوروشور:
- عمر خییامی تانیییرسینیز؟
- البته. اونو تانیماماق اولارمی؟
- بس عمر خییامین دؤورونده پادشاه کیم اولوب، دئیه بیلرسینیز؟
موفتتیش بو گؤزلنیلمز سوالدان تعجبلنیر و جاواب وئره بیلمیر.
ناظیم حیکمت دئییر :
- گؤرورسونوز، سنتکاری خاتیرلادینیز، اما پادشاهی خاتیرلامادینیز. واخت گلهجک، نه عدلیه ناظرینی خاتیرلایاجاقلار، نه ده سیزی. اما منیم آدیمی هر زامان خاتیرلایاجاقلار.
بونو دئییب چیخیب گئدیر. موفتتیش سهوینی باشا دوشور. اونو چاغیرسا دا، شاعر گئری دؤنمور.
آخار. آز خبر وئریر کی، ناظیم حیکمت ۱۹۳۸-جی ایلده ثبوت اولونمامیش اتهام اساسیندا ۲۸ ایل ۴ آی حبس جزاسینا محکوم ائدیلمیش و یالنیز ۱۹۵۰-جی ایلده ایجتیمایتین طلبی ایله تورکییه حکومتی اونو آزاد ائتمهیه مجبور اولموشدور. ۱۹۵۱-جی ایلدهن اؤمرونون سونونادک ایکینجی وطنی ساییلان سسری-ده یاشایان ناظیم حیکمت ۱۹۶۳-جو ایلده موسکوادا دونیاسینی دییشیب.