Axar.az
یوخاری
14 اییول 2020


بختیار واهابزادنین اؤز سسیله "ناغیل حیات" شعیری-ویدئو

آنا صحیفه ادبیات
12 Punto 14 Punto 16 Punto 18 Punto

کولت. آذ بختیار واهابزادنین اؤز ایفاسین‌دا "ناغیل – حیات" آدلی شعیری تقدیم ائدیر:

آنام اولسان بئله، آی آنام، خیلی،
سندن گیلئی‌لییه‌م، سندن گیلئی‌لی…
سن دویماق دوشونمک اؤیرتدین منه،
دویوب-دوشونمک‌دن آزاد اولایدیم.
دانیشماق اؤیرتدین سن اؤز کؤرپه‌نه
نولا، من آنادان لال دوغولایدیم.

دیلینی بیر ایله اؤیرندیم… ناحاق!..
اؤز دیلیم اؤزومه کسیلیب یاغی.
بوتون عؤمروم بویو چالیشدیم، آنجاق
اؤیره‌نه بیلمدیم دانیشماماغی…
باشیما بلادیر منیم اؤز دیلیم،
دنیزه‌م اوزومه دوروب ساحلیم.

یئریمک اؤیرتدین توتوب الیم‌دن،
دولاشدیم آرانی، دولاشدیم داغی.
بالانا یئریمک اؤیردینجه سن،
گرک اؤیردیدین ییخیلماماغی…

فیکیرلر ییغیلیر بئینیم‌ده قات-قات،
جوابلار-قورخولو، سواللار-یاساق.
حیاتی قانانا اؤگی‌دیر حیات،
اونو قانمایانا دوغمادیر آنجاق.

منی اینجیدیرلر بعضا قصد ایله،
ائرته‌سی هر شئیی اونودورام من.
گیروه دوشنده ظالمه بئله
ظلم ائدیب، کام آلماق گلمیر الیم‌دن.

آنا، قودوزلاشیر حیات، ایل به‌ایل،
دالاییر پوچ اولان اومیدلریمی.
نیه ایستی دئییل، مهریبان دئییل
بو آمانسیز حیات قوجاغین کیمی؟..
هارداسان، آی آنا، بیر گل، من یئنه
بلالی باشیمی قویوم دیزینه.
منه ناغیل دانیش، دایانسین آنلار،
گؤروم، ناغیل‌داکی او قهرمانلار
جوتباش‌لی دیولری نه تهر ییخیر،
نه تهر گیزلنیب، تیلسیم‌دن چیخیر.

بیر دانیش، هاردادیر، گؤروم، سادت؟
بیزیم یوردوموزا او نیه گلمز؟
دانیش، دانیش گؤروم، ملیک محمد ظلمت‌دن ایشیغا نئجه چیخدی بس؟

دانیشما آی آنام، دانیشما، کیری،
بئینیمه باتماییر بو افسانه‌لر.
دیولر گؤرموشه‌م کی، ناغیل دیولری،
اونلارین یانین‌دا تویوغا بنزر.

نادانلار گؤرموشه‌م، اؤز یولون‌داکی
دیکه ائنیش دئییر، دوزه دیک دئییر.
تولکولر گؤرموشم، اؤز قولونداکی
دمیر زنجیرلره بیلرزیک دئییر.

آتاسمی سؤیه‌ن، یادا باش این
رهبرلر گؤرموشه‌م، قددار، آمان‌سیز.
تیکانا گول دئیه‌ن، گوله کول دئین
قاریلار گؤرموشه‌م دینسیز، ایمان‌سیز.

قولدورلار گؤرموشه‌م، اؤزگه یئر دئییل،
یوردونو تالاییب آسوده یاتمیش.
تاجیرلر گؤرموشه‌م، سیموزر دئییل
«مالادئس» سؤزونه وطنی ساتمیش.

دونیام بیلندن، دویاندان بری
منیم گؤزلریمدن دوشوب حیات دا.
ناغیل‌دا گؤردویوم قورخونج شئیلری،
حیات‌دا گؤرموشه‌م، آنام، حیات‌دا.

تاریخ
2020.06.04 / 19:47
مولف
Axar.az
شرح لر
دیگر خبرلر

سیاسی بیر اولایین تراژیک ماهیتینی گؤسترمک‌ده… - ایواز تاها

بیر گون اولور وطن دئییب آغلارسان - شعیر

یا کاراباغ یا اؤلوم! باشکا یولو یوک آرتیک! - شعیر

شعر- شهید اولموش آرزولاریمدان باشقا- نه‌ییم واردی کی؟

اوغول، من شهید، سن شاهید- شئیر

نوشابه آدلی سرکرده داهی نیظامینین فانتزاسییاسی ایدیمی؟

بکلیور بیزلری ظفر، بیسمیللاه! - احمد جاواد

ایستی بیر سئوگیدن یازمیشام بعضا

صوفی منه‌م، صافی منه‌م، کافی منه‌م، شافی منه‌م-غزل

من سنه حسرتم، من سنه آرزو....- شعیر

خبر خطّی
 
Axar.az'da reklam Bağla
Reklam
Bize yazin Bağla