کولت. آذ نریمان حسنزادنین اؤز ایفاسین‌دا "زیروه" شعیرینی تقدیم ائدیر:

زیروه‌یه قالخیرام دولاما یوللا،
بو یول اذیت‌دی، تاماشا دئییل.
قالخیرام تدبیرله، حیسله، عقللا،
زیروه‌نین منزیلی بیرباشا دئییل.

کسیر قاباغی‌می گاه سیس، گاه دومان،
گؤزوم‌ده یورغونلوق، ساچلاریم‌دا دن.
قالخیرام، داش قوپور آیاغیم آلت‌دان،
داغ منه سؤیکنیر، من داغا هردن.

ایللر پیلللرمیش بیزدن اؤتری،
یوللارا گاه بورکو، گاه شاختا دوشور.
شؤهرتین سئوینجی، یاشین کدری،
ترس کیمی، ایکی‌سی بیر واختا دوشور.

کئچیر ایجازه‌سیز اؤمرون سددینی،
کئچیریر بیزی ده آلوودان، اوددان.
ساغلام‌لیق، گؤزل‌لیک لیاقتینی
آلیر الیمیزدن یاش سوروشمادان.

آه، زیروه هاردادی، گؤره‌سه‌ن هاردا؟
ندی من گئتدییم بو جیغیر، بو ایز؟
من ده بیر زیروه‌یه‌م آشاغیلاردا،
نه من زیروه‌سیزه‌م، نه زیروه من‌سیز.

گئدیرم… ایللره سوراغیم دوشور،
اینسان اؤز-اؤزون‌دن آیریلیر، دئمک.
یوخاری باخیرام – پاپاغیم دوشور،
آشاغی باخیرام – گؤزوم‌دن ائینک…