آللاه دئین اولسا بؤیوک بابامین، آتاسی‌نین شهادتینه گؤره ده بیر مقاله یازاجاغام. قاییداق خاطیره¬میزین قالانینا، «میر موسی» چای- چؤره‌یینی یئییب، سؤوودون کؤلگه سینده باشینی یئره آتیب، کئچه سی‌نین اوستونده هوش لانیب من ده باغین آلت الینده بیر قارا توت آغاجی‌نین آلتیندا گئدیب اوتوردوم. آغاجین بوداغیندا قارقا قاریلداییر، منیم ده میرات قارنیمدا باغیرساغیم. هاوا دا چوخ ایستی ایدی.

توت-ون کؤلگه-سینده آما مئح یئل اسدیکجه، آدام آرامیش تاپیردی. یاواش- یاواش منی ده او حالدا یوخو آپاریب، دئمه یاتیب قالمیشام اوردا. بیردن اوزومه بیر بالاجا یارپاغلی بوداغ دوشوب، منی یوخودان اویالتدی، دوروب گؤردوم »میرموسی» دا کی سورونو دَبردیب اوردان گئدیبدیر. بیر منم بیرده کی، قوزئی ده یاییلیب، اوتلایان قوزو¬لار. گون ده کی، چکلیب، بات ها باتدادی. سانکی بیر اوچو اوخویان اوشاق، گون باتانی ساری رنگ¬له نقاشی چکیب...

گون ده کی، سوزالماقدادیر. یاواش- یاواش قوزو¬لاری هایلاییب، بیر یئره ییغماق ایسته¬دیم، گؤزوم ایکی اوغلانا دوشدو کی، اوشدو- اوشدونون (بیر اوچورومون یئرلی آدی) لاپ باشینا چیخیبلار. اولاری ائندیریب گئتیرمه‌یینه گؤره اوشدو- اوشدودان باش یوخاری چیخیب یاری¬دا گؤردوم کی، نه یوخاری‌یا گئده بیلیرم نه ده آشاغایا ائنه بیلیرم، آیاق¬لاریمی گؤتوردوکجه داش¬لار آیاغیمین آلتیندان سوزوب، آشاغایا ساری هئِلله¬نیرلر. اوسته ساری دا چیخاندا اوستدن داش¬لار گلیر. اوغلان¬لار اوردان ائنیب، قوزو¬لارا قاریشیب، کنده ساری گئتدیلر. آما من تک قالمیشام هئچ کیم ده یوخدور منه بیر یاردیم ائده. یاواش- یاواش قاش قارالیر، قوزو¬لار دا کی، کنده ساری یوللانیبلار. آیاق قابی¬لاریم، دمپایی دیر، قدیم دئیردیلر «شئققدین باشماق» اولاری دا چیخاردیب، آغلایا- آغلایا آشاغایا تولازلایب، گؤزلریمی یومدوم. زووه- زووه آشاغایا ساری گلدیم. من¬له بیرلیکده داش- قوم، شاققا- شاق گلیر، آخیردا اوردان جانیمی قورتاردیم، ال- آیاغیم یارالانمیشدی، آما بیر بابتدن ده، سئوینیردیم کی، جانیم قورتولدو. دوروب آیاق¬قابی¬لاریمین بیر تایینی بوردان، بیر تایینی اوردان تاپیب، آیاغیما تاخیب، قوزو¬لارین آرخاسیجا کنده ساری یولا دوشدوم. هاوا دا قارانلیق‌لامیشدی. آغلایا- آغلایا گئدیرم آما قوزو¬لاردان هله خبر یوخدو. کنده لاپ گیرن- گیرنده گؤردوم قوز¬لار یاماجین اته‌یینده آغاریرلار، سئوینجک قوزو¬لارا ساری قاچیب، بیر یئره ییغیب، ائومیزه ساری آپاردیم. آنام دا منیم یوبانماغیما گؤره ائوه بیر آز قالان قاباغیما گلدی.

آردی وار ...