بو گون خالق آرتیستی بابا ماحموداوغلونون آنیم گونودور.

Kult.az خبر وئریر کی، بابا محمود اوغلو میرزیئو ۱۹۴۰-جی ایل نویابرین ۷-ده قازاخ رایونونون موغانلی کندینده ساده بیر عائله‌ده آنادان اولوب.

او، اورتا مکتبی علا قیمتلرله باشا ووروب. ۱۶ یاشیندا باکییا گلیب، داها سونرا او واختکی صنایع اینستیتوتونون مخانیکا فاکولته‌سینه امتحانسیز قبول اولونوب.

اونون زروه‌یه دوغرو گئدن صنعت یولو، پروفسیونال صحنه تالعیی ایسه اپرا و بالت تئاتریندان باشلاییب. مرحوم صنعتکار اؤز خاطره‌لرینده دئییب: "بیر گون ائشیتدیم کی، اپرا و بالت تئاتریندا "گؤزل سسلر" مسابقه‌سی کئچیریلیردی. آچیغی اؤزوم بونا چوخ جان آتیردیم، دوستلاریم دا مصلحت گؤردولر کی، همین مسابقه‌ده اشتراک ائدیم. ۱۹۶۲-جی ایلده مایسترو نیازینین رهبرلیی ایله کئچیریلن همین مسابقه‌ده اشتراک ائد‌ن ۱۵۳ نفر ایچریسیندن ۱-جیلیی قازاناراق، اپرا و بالت تئاترینا سولیست قبول اولوندوم".

۱۹۷۹-جو ایله کیمی هامی اونو خاننده بابا میرزیئو کیمی تانییب. ۱۹۷۹-جو ایلین سنتیابر آیندا ایسه اؤزونه "داستان" فولکلور آنسامبلی یاراداراق، او آندان بابا ماحموداوغلو کیمی چیخیش ائتمه‌یه باشلاییب. ماحمودوغلو صنعت یولونو بو آنسامبللا داوام ائتدیریب.

بابا ماحموداوغلو ۲۰۰۵-جی ایلده اپرا و بالت تئاتریندان تقاعده گؤندریلیب. صنعتکار ائله همین ایلین نویابر آیندا خسته‌لنیب، اینسولت کئچیریب. بیر مدت سونرا اؤزونو یاخشی حس ائتسه ده، ۲۰۰۶-جی ایلین یایندا وضعیتی یئنی‌دن پیسلشیب. حکیملر اونا رایوندا یاشاماغی مصلحت گؤروبلر. بو سببدن ماحمودوغلو ایلین تخمیناً بئش آیینی شاماخی رایونونون چوخوریورد کندینده یاشامالی اولوب. داها سونرا باکییا قاییدیب. ۲۰۰۶-جی ایل دکابرین ۶-دا ۶۶ یاشیندا وفات ائدیب.