عموم‌میللی لیدرین وفاتینین ۲۰-جی ایلدؤنومو ایله باغلی بو گون پایلاشیلان ویدئولار آراسین‌دا حیدر علیئوین عائله قورماسی ایله باغلی خاطره‌سی خصوصی ایزلنیلیر.

Kult.az خبر وئریر کی، حیدر علیئو نه‌اینکی دبدبه‌لی، هئچ عادی توی مراسیمی ده ائتمدیینی، شاهیدلرسیز عائله قوردوغونو بو جور نقل ائدیر:

«من مرحوم حیات یولداشیم ظریفه خانیملا ۲-۳ ایل ایدی کی، ائوله‌نمک ایستییردیم. ظریفه خانیملا آرتیق معین واخت دانیشیردیق. اما شرایطیم، ائویم یوخ ایدی. ۱-۲ ایل گؤزله‌مه‌لی اولدوق کی، ائو آلیم. سونرا ۲ اوتاقلی ائو آلدیم.

بیز ظریفه خانیملا ایندیکی یوسف مممدعلیئو کوچه‌سینده گزیردیک. قارشیمیزا نیکاح قیدیات بؤلمه‌سی چیخدی. نه شاهید، نه اشتراکچی، نه ده اوزوک وار ایدی. بیر قادین اوتورموشدو. دئدیک کی، بیز کبین کسدیرمک ایستییریک. طنطه‌نه‌لی نیطقلر اولمادان راضی اولوب-اولمادیغیمیزی سوروشدو و بیز سوندا امضا آتدیق. ۱۹۵۴-جو ایلده ائولندیم. کبین کاغیذیمیزی وئردیلر. اوردان چیخدیقدان سونرا «نظامی» کینوتئاترینین یانیندا مغازا وار ایدی. اوردان ۱ کیلوگرام «میشکا» کونفتی آلدیق. دنیز کناریندا ظریفه خانیمین عائله‌سینین ائوینه گئتدیک. آناسینا و قوهوملارینا دئدیک کی، بیز آرتیق کبین کسدیرمیشیک. ۱ کیلوگرام کونفت ده گتیرمیشم کی، آغزینیزی شیرین ائدین…»