«قوبوستان» صنعت توپلوسونون قیش سایی چاپدان چیخیب.

Kult.az خبر وئریر کی، درگینین بو سایی جنوبی آذربایجان ادبیاتی، مدنیتی، اینجهصنعت حصر اولونوب.

درگینین باش رداکتورو، یازیچی-دراماتورق پروین نورعلیوا جنوبی آذربایجان مؤوضوع‌سونون «قوبوستان» اوچون اننوی و دوغما اولدوغونو قید ائدیب: «اؤتن ایل آذربایجان یازیچیلار بیرلیینین ۱۳-جو قورولتاییندان سونرا ایداره هئیتینین توپلاشدیغی ایلک پلنوم‌دا بئله قرارا آلیندی کی، دریگیمیزین بو ایل اوچون بیر سایی جنوبی آذربایجان مؤوضوع‌سونا حصر اولونسون. تخمیناً بیر ایله یاخین مدتده بو یولدا آراشدیرمالار آپاریب، مؤلفلرله مذاکیره‌لر ائدیب، بو سایی حاضیرلادیق و آرتیق اوخوجولاریمیزین اختیارینا وئردیک ».

درگینین بو ساییندا جنوبی آذربایجان ادبیاتی، موسیقیسی، رساملیغی، خالچاچیلیغی، معمارلیغی، کینوسو حاقین‌دا مختلیف سئویلن مؤلفلرین اسئ و مقاله‌لری یئر آلیب... همچینین بو سایدا «سؤز گنجلرده» لاییحه‌سی چرچیوه‌سینده اوچ آیری یازی اوخوجولارا تقدیم اولونوب. بو دفعه گنجلر «نورانگیز گون یارادیجیلیغیندا جنوب آغریلاری»، «جنوبی آذربایجان - کینودا»، «مرزییه‌دن نرگیزه» مؤوضوع‌لارین‌دا آپاردیقلاری آراشدیرمالاری قلمه آلیبلار.

قید ائدک کی، «قوبوستان» درگیسینین گلن ایل اوچون ایلک نمره‌سی تورکییه‌نین «تورک ادبیاتی» درگیسی ایله قارشیلیقلی راضیلاشما اساسیندا «تورکییه اؤزل سایی» اولاراق اوخوجولارا تقدیم ائدیله‌جک.