آذربایجان کینو و تئاتر صنعتینه آغیر ایتکی اوز وئریب.

آکادمیک میللی درام تئاترینین مطبوعات خیدمتین‌دن Kult.az-آ وئریلن معلوماتا گؤره، آذربایجان تئاتر و کینو آکتیورو، دؤولت مکافاتی لاورئاتی، پرزیدنت تقاعدچوسو، "شهرت" اوردنی خالق آرتیستی رامیز ملیک (رامیز آغارضا اوغلو ملیکوو) دکابرین ۱۴-ده عمرونون ۸۰-جی پاییزیندا وفات ائدیب.

قید ائدک کی، رامیز ملیکوو ۴ آوگوست ۱۹۴۳-جو ایلده باکی‌دا دوغولوب. ۱۹۶۳-جو ایلده میرزاغا علیئو آدینا آذربایجان دؤولت تئاتر اینستیتوتونون درام و کینو آکتیورلوغو فاکولته‌سینه داخیل اولوب. رضا تهماسیبدن، توفیق کاظیموودان، ملیک داداشوودان درس آلیب. ۱۹۶۷-جی ایلده همین عالی تحصیل اوجاغینین معزونو اولوب. ۱۹۶۷-جی ایلده آکادمیک میللی درام تئاترینین تروپپاسینا آکتیور گؤتورولوب. آکتیورلوق ائتمکله یاناشی، اکرم ایلیسلینین "یاستی تپه" (قورولوشچو رژیسور توفیق کاظیموو)، لئونارد فرانکین "یاد آدام" (قورولوشچو رژیسور اوروج قوربانوو)، ایلیاس افندیئوین "خورشیدبانو ناتوان" (قورولوشچو رژیسور مراحیم فرضعلیبیوو) و س. پیئسلرینین تماشایا حاضرلانماسیندا رژیسور و رژیسور آسیستنتی کیمی چالیشیب.

رامیز ملیک آذربایجان دؤولت تلویزییاسینین حاضیرلادیغی انور مممدخانلینین "شرقین شهری" (بهروز)، علیبالا حاجیزادنین "اینانمیرسانسا…"(عادیل) ، نریمان حسنزادنین "کیمین سوالی وار؟" (عدالت) و س. اثرلرین تاماشالاریندا اویناییب. او، ۱۹۸۴-جو ایلده آذربایجان دؤولت مکافاتینا لاییق گؤرولوب. ۱۹۸۲-جی ایلده امکدار آرتیستی، ۱۹۹۸-جی ایلده ایسه خالق آرتیستی فخری آدلاری ایله تلطیف اولونوب.

الله رحمت ائلسین.