گونئی آذربایجانین، خصوصاً، تبریزین موسیقی ساحه‌سین‌ده اولان صنعت‌چیلرینین چوخو، او جمله‌دن، «آتشپاره» کیمی آد چیخاران اقدس نجفی‌دن چوخلارینین خبری یوخدور.

Kult.az خبر وئریر کی، آتشپاره ۷۰-جی ایللرده گونئی آذربایجان‌دا خالق آراسیندا ان چوخ سئویلن صنعت‌چیلردن بیری اولوب.

اونون موختلیف اوصلوبلاردا اوخودوغو آذربایجان ماهنیلاری دؤورونون بوتون طبقه‌لری طرفین‌دن بیه‌نیلیب، آذربایجان دیلی و مدنیتینین قورونماسین‌دا اهمیتلی رول اویناییب.

تأسف کی، او دؤورون اونلارلا باشقا گونئیلی صنعت‌چی‌سی کیمی آتشپاره‌نین ده بیوگرافییاسی باره‌ده دولغون معلومات یوخدور.

اونون هلندییادا یاشایان اوغلو آناسینین حیاتی و یارادیجیلیغی باره‌ده معلومات وئرجه‌یینی دئسه ده، بو هله‌لیک باش توتماییب.

آتشپاره‌نین «یئری دام اوسته یئری»، «بیر اریم اولسون»، «تویوق آپاران»، «سروان اوغلان"، «شوفر اوغلان»، «سیداوا یولو»، «آی اوغلان، اوغلان" و ب. ماهنیلاری بو گون ده اکثر اورتا یاشلی و یاشلی تبریزلیلرین ان چوخ بیه‌ندیی ماهنیلار سیراسیندادیر.

تبریزلی موغه‌ننینین ایفالاریندا اؤزونمخصوص جهتلردن بیری ده ان حزین و کدرلی لیریک، رومانتیک مضمونلو ماهنیلاری شن اوصلوب‌دا اوخوماسیدیر.