بو گون مشهور هند آکتیورو راج کاپورون دوغوم گونودور.

راج کاپور دنیا کینو تاریخینه ان یادداقالان سیمالاردان بیری کیمی داخل اولوب. بوتون حیاتینی کینو اینجه‌صنعتینه حصر ائد‌ن آکتیور و رژیسسور تکجه اؤز اؤلکه‌سینده دئییل، بوتون دنیادا تانینیب، سئویلیب، آلقیشلانیب.

هند کینوسونون معماری و یارادیجی‌سی اولان راج کاپورون حیاتینین ۱۴ آنینی تقدیم ائدیریک.

Kult.az خبر وئریر کی، راج کاپور ۱۴ دکابر ۱۹۲۴-جو ایلده پیشورده آکتیور پریت ویراج کاپورون عائله‌سینده آنادان اولوب.

ایلک اوغورونو آلتی یاشیندا آتاسینا مخصوص تئاترین صحنه‌سینده قازانیب. راج کاپور کینودا ("اینگویلاب") ایلک رولونو ۱۹۳۵-جی ایلده - ۱۱ یاشی اولارکن ایفا ائدیب. ۱۹۴۸-جی ایلده او، اؤز شخصی ایستودییاسی اولان "راج کاپور فیلمز" شرکتینی یارادیر. بونا قدر ایسه بیر نئچه ایل "بومبی توکیز" ایستودییاسیندا رژیسسور آسسیستنتی وظیفه‌سینده چالیشیر. راج کاپور سونرالار اونو مشهورلاشدیران فیلملرین اکثریتینده رژیسسورلوقلا یاناشی، باش روللاری دا ایفا ائدیردی. اولکی ایشلریندن اولان "آوارا" (۱۹۵۱) و "جناب ۴۲۰" (۱۹۵۵) فیلملرینده کاپور ساده، مهریبان و جازبه‌لی "کیچیک انسان" اوبرازینی مهارتله یارادیر.

«آوارا» فیلمینین جازبه‌سینی یاشایان خالق آرتیستی رشید بهبودوو دا هندیستانا قاسترول سفری زمانی فرصتدن استفاده ائد‌رک راج کاپورلا گؤروشوب. اونلارین دوستلوغو همین واختدان ۱۹۸۸-جی ایلده راج کاپورون اؤلومونه قدر اوزون ایللر داوام ائدیب. ۱۹۵۶-جی ایلده «راج کاپور باکی‌دا» سندلی فیلمی چکیلیب، لاکن لنت ایتیب. یالنیز ۲۰۰۷-جی ایلده دولت فیلم فوندو راج کاپورون آذربایجانین پایتاختینا سفریندن بحث ائد‌ن اوللر ایتیریلمیش فیلمی نمایش ائتدیریب.

راج کاپور اؤز مختلف فیلملرینده هیندیستان اجتماعیتی اوچون ان اؤنملی مسئله‌لردن بیرینه - اوشاق جنایتلری موضوع-سونا ("آیاققابی تمیزله‌ینلر" (۱۹۵۴))؛ کاستا برابرسیزلیی ("بوبی" (۱۹۷۳)) و سایر موضوع-لارا توخونوردو.

راج کاپور ۲ ایون ۱۹۸۸-جی ایلده هندیستانین یئنی دهلی شهرینده، ۶۴ یاشیندا وفات ائتدی.

راج کاپورون وفاتی بوتون هندیستانی سارسیتدی و هر کس بونو میللی فاجعه کیمی قبول ائتدی.