آذربایجان‌دا پلووون ۲۰۰ نؤعو وار و پلوو آذربایجان مطبخینین شاهی ساییلیر. کئچمیشده آبشرون اهالی‌سینه خاص اولان ششنداز (شازه‌نده) اونودولموش یئمکلردندیر. ششنداز هم اتسیز ، هم ده ات ایله حاضرلانیر. بو پلوو عادتا قیشدا وارلی عائله‌لرده بیشیریلیردی.

Kult.az میللی مطبخیمیزین اونودولموش یئمکلرین‌دن ششنداز پلووونون رسپتینی تقدیم ائدیر.

ششنداز پلووون ترکیبی:

۱۵۰ گرم دویو

۵۰ گرم ارینمیش کره یاغی

۲ عدد یومورتا

۱۰۰ گرم سوغان

۰،۵ گرم لیمون دوزو

۵ گرم شکر توزو

۰،۱ گرم ظفران

۰،۲ گرم دارچین

دوز، ایستیوت

ششنداز پلووون حاضرلانما قایداسی:

ایلک اؤنجه سوغانی هالقا دوغرایین. دوغرادیغینیز سوغانی تاوادا یاغدا قیزاردین. اوزرینه لیمون دوزو و شکر توزو علاوه ائدیب قاریشدیرین. یومورتالاری بیر کاسادا چیرپین. چیرپدیغینیز یومورتالاری بیشه‌ن سوغانین اوزرینه علاوه ائدیب بیشیرین.

دویونو سودا یاریم ساعت‌لیق ایسلادین. قازان‌دا دویو اوچون سو قاینادین. دویونو آز دوز تؤکولموش سودا بیشیرین. بیشیریب سوزدویونوز دویونون آرالارینا ظفران سپه‌رک دمه قویون. سوفره‌یه وئردیکده پلووون اوستونه قایغاناغی علاوه ائدین. اوزرینه اریدیلمیش کره یاغی و دارچین سپین.

قید: ششندازی اتسیز بیشیردیکده سفره‌یه وئردیکده اوزرینه دوشاب و یا آبقورا تؤکه بیلرسینیز. ات ایله بیشیریلدیکده دوغرانمیش مال اتی سوغانلا بیرلیکده قوورولمالیدیر.