چین حکومتی مشهور گونئی آزربایجالی رژیسور جعفر پناهینین "بی‌پایان" فیلمینی هاینان بین‌الخالق فستیوالینین اساس مسابیقه بؤلمه‌سیندن چیخاریب.

Kult.az خبر وئریر کی، بو باره‌ده رژیسور اؤزو معلومات یاییب.

اونون سؤزلرینه گؤره، چین حکومتینین سیاسی تضییقلری و سنزورا قانونلارینا گؤره، فیلمین فستیوالدا نماییشینه قاداغا قویولوب.

"بیپایان" (سون‌سوز) فیلمی ایران‌دا حکومت سنزوراسیندان قورتولماق اوچون گیزلی شکیلده چکیلیب.

فیلم‌ده ایرانین تهلوکه‌سیزلیک مأمورلارینین تهدید و تضییقلری ایله اؤز ایراده‌سیندن آسیلی اولمایاراق تهلوکه‌سیزلیک پروسسلرینه جلب ائدیلن بیر وطنداشین حیاتیندان بحث ائدیلیر.

قید ائدک کی، ایران کینماتوگرافییاسینین یئنی دالغا نماینده‌لری آراسیندا ان تانینمیش شخصلردن بیری اولان کینورژیسور-سناریست جعفر پناهی ۱۱ ایول ۱۹۶۰-جی ایلده شرقی آذربایجان ایالتینین میانا شهرینده آنادان اولوب. نفوذلو بین‌الخالق فیلم فستیواللارینین غالیبی اولان ج.پناهی فرقلی دوشونجه و سیاسی باخیشلارینا گؤره دفعه‌لرله حبس ائدیلیب.