هیندیستانین تانینمیش رژیسورو ماقیژ تیرومئنین حاضردا باکی‌دا چکدیی «ویداامویارچی» فیلمی اینترنت رسورسلاریندا، او جمله‌دن، سوسیال شبکه‌لرده ماراقلا قارشیلانیب.

Kult.az بیلدیریر کی، «لیسا پرودوکتشنس» طرفین‌دن ایستحصال اولونان فیلم گلن ایلین دیوالی فستیوالین‌دا محتشم بوراخیلیش اوچون نظرده توتولوب. فیلمین چکیلیشلری ۲۰۲۴-جو ایلین اولین‌ده باشا چاتاجاق.

قید ائدیلیر کی، مشهور آکتیور آژیت کومارین آذربایجانداکی پرستیشکارلاری – هموطنلری فیلمین چکیلیشلرینی، هابئله اکران اثری ایله باغلی یئنی‌لیکلری ماراقلا ایزلییرلر.

اینترنت‌ده آکتیورون «ویداامویارچی» فیلمینین چکیلیشلری زامانی سئونلری ایله گؤروشونو عکس ائتدیره‌ن ویدئوسو خیلی سایدا کینو هوسکاری طرفیندن ایزلنیلیب. فیلمین آذربایجان‌داکی چکیلیشلری گلن ایل یانوارین سونونا کیمی داوام ائد‌جک.

فیلم‌ده هیندیستانین بیر سیرا تانینمیش دیگر صنعتکارلاری دا چکیلیر.

فیلمین بسته‌کاری آنیرود راویچاندر، اوپراتورو نیراو شاه و مونتاژچی شریکانتدیر.

قید ائدک کی، هیندیستانین تانینمیش آکتیورلاریندان اولان ۵۲ یاشلی آژیت کومار ایندیدک ۴۱ فیلم‌ده چکیلیب.