بو گون آذربایجان رسپوبلیکاسینین خالق آرتیستی، سئویملی آکتریسامیز گولشن قربانووانین آد گونودور.

Kult.az خاتیرلادیر کی، او، ۱۹۵۰-جی ایلین بو گونو باکی‌دا آنادان اولوب.

گولشن قربانووا آذربایجانین تانینمیش تئاتر و کینو آکتیورو، آذربایجان دؤلت گنج تاماشاچیلار تئاترینین بانیلریندن بیری اولان آغاداداش قربانووون قیزی، آکتیور حاملت قربانووون آتا بیر، آنا آیری باجی‌سی، آکتیور مباریز علیخانوغلونون حیات یولداشی، امکدار اینجه‌صنعت خادیمی فیرنگیز قربانووانین باجیسی‌دیر.

۱۹۷۴-جو ایلده ا. حسین‌زاده آدینا آذربایجان مدنیت و اینجه‌صنعت اینستیتوتونو بیتیره‌ن گولشن خانیم ائله همین ایلدن گنج تماشاچیلار تئاترین‌دا ایشه دوزلیر.

آکتریسا کینودا و تلویزییا تاماشالارین‌دا دا مختلیف اوبرازلار یارادیب. گ. قربانووانین فیلموگرافییاسیندا ایسه ۲۰-دن آرتیق فیلم یئر آلیب.

آکتریسا تئاتردا ایشلدیی ایللرده "منیم نغمه‌کار بیبیم"، "آنا لایلاسی"، "تاماهکار"، "فودزی داغین‌دا قوناقلیق"، "زنجیرلنمیش پرومتی"، "پول دلیسی"، "بالا بلا سؤزوندندیر" کیمی تاماشالاردا کالوریت‌لی اوبرازلار یارادیب. اونون فیلموگرافییاسین‌دا ایسه ۲۰-دن آرتیق فیلم یئر آلیب.

گ. قوربانووا ۱۹۸۹-جو ایلده آذربایجان رسپوبلیکاسینین امکدار آرتیستی، ۱۹۹۸-جی ایلده ایسه خالق آرتیستی فخری آدلارینا لاییق گؤرولوب.

تئاتردان آیریلان گولشن قربانووا تله‌کاناللارا دعوت آلیر و اوزون مدت آذ.تی.وی-نین «گلین بیرلیک‌ده گولک» آدلی لاییحه‌سینین اولدوزونا چئوریلیر.

گولشن قربانووا ۳ دفعه اینفارکت کئچیریب. نیکبین، حیات‌سئور اینسان اولان گولشن قربانووا ۱۷ نویابر ۲۰۰۶-جی ایلده، تلویزییا پروگراملارینین بیریندن ائوه گلرکن نؤوبتی دفعه اینفارکت کئچیره‌رک ۵۶ یاشیندا وفات ائدیر.

آدینین چکیلمه‌سینی ایسته‌مه‌یه‌ن همکارلاریندان بیری دئییر کی، اؤلوموندن بیر نئچه گون سونرا اونون قبری یاخینلاری طرفیندن آچیلیر. بو حقیقت‌دیر، یوخسا شاییه، اما ادعا اولونور کی:

«کفنی جیریبلار. گؤروبلر کی، اوز گؤزو جیریق-جیریقدیر. ساغ الی قولاغینین دیبینده قالیب. بوندان سونرا بئله قناعته گلیبلر کی، اصلینده او، دفن ائدیلرکن ساغ ایمیش. ساده‌جه گوجلو شوک کئچیریب. قبیرده آییلیب و قورخودان اوریی پارتلاییب».

گولشن قربانووا کهنه قبریستانلیقدا دفن اولونوب .