گونئی آذربایجانلی رژیسور و اطراف محیط فعالی محمد علی مرادی اورمییا گؤلو ایله باغلی یئنی سندلی فیلم چکیر.

Kult.az خبر وئریر کی، بو بارده رژیسور اؤزو معلومات یاییب.

او، یئنی سندلی فیلمینین بعضی حیسه‌لرینی یایاراق، اورمییا گؤلو اطرافیندا باش وئرن اکولوژی فلاکته دقت چکیب.

علی مرادی گؤل اطرافیندا اولان کندلرین مکتبلرینده اوخویان شاگیردلرین پروبلمله باغلی دئدیکلرینی لئنته آلیب:

"بیزی اونودوبلار. بیر زامانلار اورمییا گؤلونده سو اولاندا هر یئردن - تهراندان، خاریجدن بورا گلیب اوزور، ایله‌نیردیلر. ایندی هئچ کیم بورا ایله ماراقلانمیر، بیزی اکولوژی فلاکتله اوز-اوزه قویوب گئتدیلر. گؤل قورویاندان سونرا دوز فیرتینالاری حیاتیمیزی ایفلیج ائدیب، مینلرله اینسان خسته‌لییه یولوخوب، بیر چوخو دونیاسینی دییشیب. هانی ایران مسئوللاری، آذربایجان مسئوللاری، نیه بیزیمله ماراقلانمیرلار؟"،- شاگیردلردن بیری تالعیین اومیدینه بوراخیلدیقلارینی دئییب.