بو گون تبریزلی یازیچی، شاعر، ژورنالیست و ساتیرا اوستاسی حمید آرش آزادین دوغوم گونودور.

Kult.az خبر وئریر کی، او، ۲۵ دکابر ۱۹۴۸-جی ایلده تبریزده آنادان اولوب.

اختصاصجا معلم اولان ه. آ. آزاد معاصر دؤور گونئی آذربایجان ساتیراسینین تاننمیش نماینده‌لریندن بیری اولوب.

او، بوتون محدودیتلره و تضییقلره باخمایاراق، اؤز یارادیجیلیغیندا حاکم سیستمین ماهیتیندن ایر‌لی گلن عیبجرلیکلری، اجتماعی و مدنی چاتیشمازلیقلاری تنقید ائدیب.

آزاد «فروغی آزادی» قزئتی، "امین"، "اعتیماد" قزئتلری و "گولاغا" درگیسی امکداشلیق ائد‌رک، "قیزیلباش"، "گول اوغلان"، "آراز"، "بیلربیی"، "خان دایی"، "کورباشی اوشاغی" امضالاری ایله چیخیش ائدیب.

تبریزلی ساتیراچینین اؤلومون‌دن آز اؤنجه "اوخونو آت، یایینی گیزلت" و "جیزیغین‌دان چیخما" ساتیریک شعیرلر کیتابی نشر ائدیلیب.

حمید آرش آزاد ۱۴ آوگوست ۲۰۱۰-جو ایلده تبریزده اورک چاتیشمازلیغی و آغجیر خسته‌لییندن دونیاسینی دییشیب.

شهریمیزه قیش گلدی،

قار یاغدی، یاغیش گلدی،

خیاوانی سئل باس‌دی

آیاغا قالوش گلدی.

قیش گلیبدیر تبریزه

قار چاتیر ایندی دیزه

مسئوللار آیین-شایین

چونکی قار یاغمیر میزه(ماسا)

سویوقدان توتولور دیل

اوشاقلار اولموش سفیل

سحر اوندان دئییرلر

مکتبلر اولسون تتیل

ماشین قالیبسا قاردا

دئمه مسئوللار هاردا؟

عزیز قارداش! آزجا دؤز

یول آچیلار باهاردا!