دکابرین ۲۸-ده دونیادا بین‌الخالق کینو گونو قید اولونور.

Kult.az خبر وئریر کی، ۱۸۹۵-جی ایل دکابرین ۲۸-ده لوی و اوقیوست لومیر قارداشلاری پاریسین کاپوسین بولوارین‌داکی بالاجا کافئ‌ده ایلک دفعه اؤزلرینین چکدیکلری قیسامئتراژلی فیلملرین پول‌لو نوماییشینی تشکیل ائدیبلر.

فیلملرین آراسین‌دا ۴۶ سانییه‌لیک «فهله‌لرین لومیئر فابریکین‌دن چیخماسی» فیل‌می ده وار ایدی.

فران‌سادا کئچیریله‌ن ایلک کینوسئانس‌دان ایکی ایل سونرا – ۱۸۹۸-جی ایل آوقوستون ۲-ده باکی علمی-فوتو درنیینین کاتیبی، ناشیر و فوتوگراف آلکساندر میشون اؤزونون لئنته آلدیغی «بیبی هیبت‌ده نفت فونتانی یانغینی»، «اعلاحضرت بوخارا امیرینین یولاسالما مراسیمی»، «قافقاز رقصی» خرونیکال سندلی و «ایلیشدین» آدلی بدیعی سوژئتلرینی نماییش ائتدیریلیب. همین گون میللی کینونون یارانما گونو ساییلیر.

۱۹۱۷-جی ایلده ایسه اوزییر حاجیبیلینین عینی‌آدلی اوپرتتاسی اساسیندا «آرشین مال آلان» قیسامئتراژلی بدیعی فیلمی چکیلیب. آذربایجان‌دا میللی کینو گونو هر ایل آوقوستون ۲-ده قید ائدیلیر. بو ایل ۱۲۲-جی ایل دؤنومونو قید ائتدییمیز آذربایجان کینو صنعتی اؤتن مدتده علامتدار حادثه‌لرله زنگین اؤزونه‌مخصوص اینکیشاف یولو کئچه‌رک، خالقیمیزین مدنی-معنوی حیاتیندا مهم رول اویناییب.