بو گون گونئی آذربایجانین اردبیل شهریندن اولان موسیقی‌چی، بسته‌کار و آرانژیمان‌چی ناصر ایسماییل اوغلو چشم‌آذرین دوغوم گونودور.

Kult.az خبر وئریر کی، او، ۳۱ دکابر ۱۹۵۰-جی ایلده اردبیل شهرین‌ده آنادان اولوب.

آتاسی اسماعیل و قارداشی منوچهر موسیقیچی اولدوغو اوچون ناصر ابتدای تحصیل آلدیغی واختدان آکوردیون چالماغی اؤیرنیب.

ناصر چشم‌آذر ۱۲ یاشین‌دا آتاسی ایله بیرلیک‌ده تبریز رادیوسونون آذربایجان اورکسترینه داخیل اولوب، ۱۳ یاشین‌دا ایسه اورتا مکتب سوییه‌سین‌ده کئچیریله‌ن موسیقی یاریشماسیندا آکوردیون اوزره خصوصی مکافاتا لاییق گؤرولوب.

۱۷ یاشین‌دا ایرانین عراق‌داکی سفیرلیینده تشکیل اولونان کنسرته رهبرلیک ائد‌ن ناصر ۱۸ یاشیندان آذربایجانلی موغه‌ننی گوگوشلا رسمی مدنی سفرلره باشلاییب.

اردبیل‌لی صنعتچی، اونلارلا تانینمیش ایرانلی موغه‌ننی، او جمله‌دن، گوگوش، داریوش، مهستی، هایده و ب. اوچون چوخلو اثرلر بسته‌له‌ییب و آرانژیمان ائدیب.

۱۹۷۹-جو ایلده موسیقی تحصیلینی داوام ائتدیرمک اوچون آمریکا بیرلشمیش ایشتاتلارینا گئدن ناصر چشم‌آذر، ۵ ایل جاز موسیقی‌سی اوزره تحصیل آلدیقدان سونرا ۱۹۸۴-جو ایل آپرلین ۲۹-دا اردبیله قاییدیب و بورادا موسیقی فعالیتینی داوام ائتدیریب.

ناصر چشم‌آذر ۴ مای ۲۰۱۸-جی ایلده تهران شهرینده اورک توتماسیندان دونیاسینی دییشیب.