بو گون حاقیندا نه کئچمیش، نه ده ایندیکی زاماندا دانیشا بیلمه‌دییمیز، دیللرده داستان اولان سونونجو فوتوسوندان باشقا سونراکی طالعی باره‌ده ایندییه‌دک هئچ بیر معلومات اولمایان قاراباغ شاهینی ناطیق قاسیمووون دا دوغوم گونودور.

Kult.az خبر وئریر کی، ناطیق سلیم اوغلو قاسیموو ۱۹۷۱-جی ایل یانوارین ۲-ده گئده‌بیگ رایونونون کیچیک قارامورادلی کندینده آنادان اولوب.

بیر مدت سونرا عائله‌سی ایله بیرگه مینگه‌چئویر شهرینه کؤچور. روسییانین کراسنویارسک ویلایتینده داخیلی قوشونلاردا حربی خیدمت یولونو کئچیر. ۱۹۹۱-جی ایلده اوردودان ترخیص اولوندوقدان سونرا ۲۰ گون آتا-آناسینین یانیندا قالان ناطیق کؤنوللو اولاراق وطنین مدافعه‌سینه یوللانیر. «قاراباغ شاهینلری» باتالیونونون ترکیبینده آغدام-خانکندی ایستیقامتینده بیر نئچه دؤیوش‌ده ایشتیراک ائدیر.

۱۹۹۲-جی ایلده خوجالینین پیرلر کندینده‌کی کیلیسادان اسیر آلینمیش‌یر. طالعی نامعلومدور.

بیرجه فوتوسو ایله تانیندی ناطیق قاسیموو. روس ژورنالیستی اؤزو ده بیلمه‌دن ناطیق قاسیمووون دوشمنه اییلمه‌زلیینی، قورخمازلیغینی و جسارتینی تام خیردالیغینادک لئنته آلا بیلیب. شکیلده بو اوغلان ارمنی یاراقلیلارینین موشایعتی ایله بایراغی آپاریر. شکیل کئچمیش س.س.ر.ی-نین ان پوپولیار درگیلریندن اولان «اوقونیوک» ژورنالینین ۱۹۹۲-جی ایل تاریخلی آپرئل ساییندا درج اولونان کونستانتین سمیرنووون «قورخو» سرلؤوحه‌لی مقاله‌سیندن‌دیر. یازی ایتالییالی فوتومخبیر ائنریکو سارزینینین چکدیی گؤردویونوز بو شکیلله موشایعت اولونور. شکیلده ناطیقین آغیر دؤیوشلردن سونرا الینده اوچ‌رنگلی میللی بایراغیمیز ایکی ساققاللی ارمنی آراسیندا مغرورجاسینا آددیملادیغی عکس اولونوب. ارمنیلر ۵ گون مدتینده کیلیسادا اونلارلا جمعی بیر نفرین موباریزه آپاردیغینی بیلیب چوخ پرت اولموشدولار.

ناطیقین قهرمانلیغی آز بیر واختدا دیلدن-دیله دوشدو. بو قهرمانلیغین بوتون کئچمیش اتفاقا تانیدیلماسیندا ایسه «اوقونیوک»اون خیدمتی عوض‌سیز اولدو. رئداکسییا شوراسیندا ی.‌الیخانیان-بوننئر کیمی قاتی میللتچینین و و. کوروتیچ کیمی ارمنی‌پرستین تمثیل اولوندوغو «اوقونیوک»اون مخبیری ک. سمیرنوو اؤزو ده بیلمه‌دن واختیله کیتابلاردان اوخودوغوموز و فیلملردن سئیر ائتدییمیز جسور پارتیزان، سووئت اتفاقی قهره‌مانی مهدی حسین‌زاده‌نین شجاعتینی تکرارلامیش ناطیق قاسیمووون دوشمنه اییلمه‌زلیینی، اونون قورخمازلیغینی و جسارتینی تام خیردالیغینادک وصف ائتمیشدی. باخمایاراق کی، یازیدا ارمنی تعصب‌کشلیگی معین قدر ده اولسا اؤزونو بروزه وئریب.

ارمنیلر طرفیندن اسیر و گیروو گؤتورولمه فاکتی دانیلان شخصلرین سیاهی‌سیندا ناطیق قاسیمووون دا آدی وار. دفعه‌لرله ائدیلن مراجعتلره باخمایاراق، ارمنی طرفی بو گونه‌دک ناطیقین سونراکی تالعینی آذربایجاندان و بین‌الخالق تشکیلاتلاردان گیزلتمک‌ده‌دیر.

مینگه‌چئویرده‌کی شهیدلر خیابانیندا ایتکین دوشنلرین رمزی مزارلاری سیراسیندا اونون دا آدی وار.