بایرام سفره‌سینی زنگین و طمتراقلی ائتمک اوچون چئشید-چئشید یئمکلر، نؤوع-نؤوع سالاتلار و شیرنیات حاضرلانیر. بایرام واختی استئهلاک ائدیلمه‌ین یئمکلر ایسه بعضا اصراف اولونماماسی اوچون سونراکی گونلره ساخلانیلیر. لاکین متخصصلر حساب ائدیرلر کی، دفعه‌لرله قیزدیریلیب بایات شکیلده ایستئهلاک اولونان یئمکلرین اورگانیزمه بیر سیرا منفی تأثیرلری اولا بیلر. .

Kult.az خبر وئریر کی، بونونلا باغلی قیدا تهلوکه‌سیزلیگی آگئنت‌لیگی اهالییه خبردارلیق ائدیب.

معلوماتدا وورغولانیب کی، خصوصیله یومورتا، بالیق، ات، گؤبلک کیمی محصوللاردان حاضیرلانمیش یئمکلر ایکی ساعتدان آرتیق آچیق شرایطده قالمامالی، داها سونرا سویودوجودا ساخلانیلمالیدیر. ایستی یئمکلر سویودوجویا یئرلشدیریلممیش‌دن اول اوتاق تمپراتورونا قدر سویودولمالیدیر. بعضی قیدالارین ایسیدیله‌رک یئنی‌دن ایستئهلاکی عمومیتله توصیه ائدیلمیر. بئله کی، تویوق اتی یا تزه بیشمیش، یا دا سویوق حالدا ایستئهلاک اولونمالیدیر. کارتوف، چوغوندور، ایسپاناق کیمی ته روزلر، ان اساس دا گؤبلکلر بیشیریلدیک‌دن سونرا یئنیدن قیزدیریلدیقدا قیدا دیرینی ایتیردیی اوچون بو محصوللارین تزه-تزه بیشیریلیب ایستئهلاک ائدیلمه‌سی داها مقصده اویغوندور.

یئری گلمیشکن، یئمکلرین خاراب اولوب-اولمادیغینی داد و یا قوخو واسطه‌سیله معین ائتمک هر زامان مومکون اولمور. قیدا زهرله‌نمه‌سینه سبب اولان بعضی باکتئرییالار وار کی، اونلار قیدانین قوخوسونو و دادینی کورلامادان بئله چوخالا بیلیر، حتی بعضیلری توکسین ایفراض ائدیر. بئله باکتئرییالار دنیز محصوللاری، سود و سود محصوللاری، تورتلار و دیگر کرئملی شیرنیاتلاردا داها تئز چوخالا بیلدیی اوچون ان چوخ قیدا زهرله‌نمه‌لری ده محض بو قیدالار دوزگون ساخلانیلمادیقدا و تکرار ایسیدیله‌رک ایستئهلاک ائدیلدیک‌ده باش وئریر.

بایات یئمکلر کیمی، بایات چایین دا اورگانیزمه زیانی وار. چونکی دملنمیش کؤهنه چای بوتون فایدالی خصوصیتلرینی ایتیرمکله یاناشی، اینسان اورگانیزمینه منفی تأثیر گؤستره بیلیر.

متخصصلر دئییرلر کی، قید اولونان منفی حاللارین باش وئرمه‌مه‌سی و بایات قیدا قبول ائتمه‌مک اوچون یئمکلری مطلق قدرینده حاضرلاماق لازیمدیر. هم ده بیشیریلمه تاریخی بیلینمه‌یه‌ن یئمکلر یئییلمه‌مه‌لی‌دیر.