بو گون کوریفی صنعتکار، ۳۹ یاشین‌دان خالق آرتیستی آدینا لاییق گؤروله‌ن آکتریسا لیلا بدیربیلینین دوغوم گونودور.

Axar.az خاطیرلادیر کی، لیلا بدیربیلی ۱۹۲۰-جی ایل یانوارین ۸-ده باکی شهرینده آنادان اولوب. بیر نئچه ایل آذربایجان دولت فیلارمونییاسی ماهنی و رقص آنسامبلینین سولیستی اولان لیلا بدیربیلی ۱۹۴۲-۱۹۷۵-جی ایللرده آذربایجان دولت درام تئاتریندا فعالیت گؤستریب.

داهی بسته‌کار اوزییر حاجیبی‌لی لیلا بدیربیلینی ایلک دفعه فیلارمونییادا گؤرموشدو. قیزین ظاهری گؤزللییی، پلاستیک‌لییی دقتینی چکمیشدی. ۱۹۳۸-جی ایلده مسکوادا آذربایجان مدنیت گونلری کئچیریلیردی. نماینده هئیتینه اوزییر حاجیبی‌لی رهبرلیک ائدیردی. داهی بسته‌کار لیلا بدیربیلینی ده بو سفره دعوت ائتمیشدی. آذربایجان نماینده هئیتینین مسکواداکی چیخیشلاری چوخ بؤیوک اوغورلا قارشیلاندی. کنسرتلرین بیرینده استالین ده اشتراک ائدیب. او، لیلا بدیربیلینی گؤره‌نده حیرته گلیب. کیم اولدوغونو سوروشوب. آذربایجانین جوان بیر رقاصه‌سی اولدوغونو و فیلارمونییادا چالیشدیغینی اؤیرندیکدن سونرا حیران‌لیغینی دیله گتیریب: "تی کراساویتسا آذربایجانا".

"آذربایجان گؤزه‌لی" آدلانان صنعتکار چوخ آغیر و مشقت‌لی حیات سوروب. ۱۶ یاشی اولارکه‌ن فرج جوانشیروولا عائله قوران آکتریسانین بو ائولیلیکدن ایکی اولادی - جوانشیر و مهین دونیایا گلیر. لاکین لیلا خانیمین ائولیلییی اوزون چکمیر و بیر نئچه ایلدن سونرا بوشانیر. ۱۹۴۲-جی ایلده آکتریسا ایکینجی دفعه عائله قورور. بو ائولیلیکدن ده ایکی اولادی - لاله و بیکه دونیایا گلیر.

صنعتکارین بو خوشبختلییی ده چوخ داوام ائتمیر و او، یول قزاسینا اوغرایان حیات یولداشینین ایتکیسی ایله سارسیلیر. بو ایتکیدن سونرا لیلا خانیمین بؤیوک قیزی لاله ده وفات ائدیر. اونو کوکلا تئاترینین قارشی‌سیندا ماشین وورور.

لیلا بدیربیلی آذربایجان کینو تاریخینده یادداقالان، اونودولماز اوبرازلار یارادیب، یئنی بیر تاریخ یازیب. اونون اوینادیغی اوبرازلار مختلیف‌لییی، گؤزل‌لییی ایله دقت جلب ائدیر.

گؤزل‌لییی و خصوصی ایستعدادی ایله هر کسی حیران قویان آکتریسامیز "آرشین مال آلان" (گولچهره) ، "فتحعلی خان" (توتی بیکه)، "کوروغلو" (هجر)، "گنج قادینین کیشی‌سی" (قایینانا)، "چاروادارلارین ایزی ایله" (مفروزه)، "دلی کور" (زرنیگار)، "درویش پاریسی پارتلادیر" (شهربانو)، "گؤروش" (بیلقیس) کیمی فیلملرده فرقلی اوبرازلار یارادیب.

لیلا خانیم بدیربیلی ۱۹۹۹-جو ایل ۲۳ نیابردا باکی‌دا وفات ائدیب و آناسینین یانیندا دفن اولونماغی وصیت ائتسه ده، فخری خیابان‌دا تورپاغا تاپشیریلیب.