۱۹۷۷-جی ایلده وفات ائد‌ن دونیاجا مشهور موغه‌ننی الویس پرسلی ۲۰۲۴-جو ایلین نیابر آییندا لوندوندا هولوگرام (رقمسال وئرسییا) کنسرتی ایله پرستیشکارلارینین گؤروشونه گله‌جک.

Kult.az خبر وئریرکی، بو باره‌ده اینگیلتره‌ده فعالیت گؤستره‌ن «لایرد رئالیتی» ایله‌نجه شیرکتی معلومات یاییب.

معلوماتا گؤره، الویس پرسلینین «الویس ائوولوتیون» آدلی هولوگرام کنسرتی ایلک دفعه لوندوندا صحنه‌یه قویولاجاق. کنسرت اوچون آچیلان اینترنت سایتین‌دا قیدیاتدان کئچه‌رک بیلتی رزرواسییا ائتمک ممکن اولاجاق.

«شوو سایه‌سین‌ده یئنی نسیل پرستیشکارلار اوچون ائلویسی جانلی ایزله‌مک امکانی یارادیلاجاق، بو، رئاللیق و فانتازییا آراسینداکی سرحدلرین آزالاجاغی بیر کنسرت تجروبه‌سی اولاجاق. جانلی اؤلچولرده اولان رقمسال ائلویس ایلک دفعه اینگیلتره صحنه‌سینده ان مشهور ماهنیلارینی و حرکتلرینی جانلاندیراجاق»، - دئیه شیرکتین بونونلا باغلی آچیقلاماسیندا بیلدیریلیب.