اردبیل شهرینین ان دیرلی تاریخی عابده‌لریندن اولان "جمعه مسجیدی" باخیمسیز قالدیغی اوچون جدی خسارتلر آلیب.

Kult.az خبر وئریر کی، بو باره‌ده یئرلی سوسیال مئدیا فعاللاری پایلاشیملار ائدیبلر.

بیلدیریلیب کی، تاریخی عابده‌نین اوست بزیی اولان ناخیش‌لی کرامیتلر داغیلیب، قار و یاغیش سولاری مسجیدین تاوانینا زیان ووروب.

یئرلی فعاللارین یازدیغینا گؤره، عابده‌نین تعمیری و قورونماسی ایله باغلی اردبیل ایالتینین مدنی ارث تشکیلاتینا ائدیله‌ن مراجعتلر جوابسیز قالیب.

قید ائدک کی، سلجوقلولار دؤورونده اینشا ائدیله‌ن و ۸۰۰ ایللیک تاریخی اولان اردبیلین جمعه مسجیدی ۱۹۸۰-جی ایلده ده داغینتیلارا معروض قالیب.

او واخت مسجیدین یئرلشدیی کوچه‌نی گئنیشلندیرمک آدی آلتیندا تاریخی عابده‌نین بیر حیصه‌سی اوچورولوب.