یانوارین ۹-او آخشام ساعتلاریندا گونئی آذربایجانین تانینمیش صنعتچیلریندن اولان آشیق غفار ابراهیمینین آنیم مراسمی کئچیریلیب.

Kult.az خبر وئریر کی، بو باره‌ده آشیغین عائله‌سی معلومات یاییب.

بیلدیریلیب کی، آشیق غفارین ائوینده کئچیریلن مراسیم‌ده گونئی‌لی آشیقلار، صنعتچیلر و مدنیت خادیملری اشتراک ائدیبلر.

مراسیم اشتراکچیلاری آشیق و خالق ماهنیلاری ایفا ائدیب، آذربایجان دیلینده شعرلر اوخویاراق صنعتچینین خاطره‌سینی آنیبلار.

قید ائدک کی، آشیق غفار ابراهیمی ۱۹۵۴-جو ایلده قاراداغین مئشه‌پارا محالین‌دا آنادان اولوب.

اونون "ائل قوشمالاری"، "سئوگی مقدس‌دیر"، "داغلار منیم اولدو من‌ده داغلارین" کیتابلاری نشر ائدیلیب.

آذربایجان آشیقلار بیرلیینین عضوو اولان صنعتچی ۲۰۱۸-جی ایل یانوارین ۶-دا دونیاسینی دییشیب، یانوارین ۸-ده تبریزده تورپاغا تاپیشیریلیب.