بیرلشمیش عرب امیرلیکلریندن اولان اوچ یاشلی المحا رشید المئیری ایکی اوشاق پووستینی - "چیچک" (Flower) و "بال آریسی"نی (هونیبئ) نشر ائتدیرمکله دونیانین ان گنج یازیچیسی اولوب.

Kult.az خبر وئریر کی، ۲۴ ساعت عرضینده هر ایکی کیتابینین ۱۰۰۰-دن آرتیق نسخه‌سینی ساتان المحا رشید المنیرینین آدی گیننسین رکوردلار کیتابینا ان گنج یازیچی (قادین جینس‌لی) کیمی دوشوب.

یازیچینین حکایه‌لره و رسم چکمه‌یه ماراغی اونا گتیریب چیخاریب کی، او، اوشاقلار اوچون فانتاستیکا ژانریندا گؤزل، پارلاق ایللوستراسییالارلا مشایعت اولونان احوالاتلاری یازماغی اؤیرنیب.

او اؤز حکایه‌لرینده اوخوجولارا اکولوژی پرینسیپلرین مهم‌لویونو چاتدیرماغا چالیشیر. آناسینین سؤزلرینه گؤره، محا اؤز یاشیدلارینا اطراف محیطین قورونوب ساخلانماسینین واجیبلیینی آشیلاماق ایستییر.

اونون بؤیوک باجی‌سی حاضردا ایکی دیلده یازیلان کیتابین نشری اوزره ان گنج یازیچی، قارداشی ایسه کیشیلر آراسیندا ان گنج مؤلفدیر. آنالارینین قید ائتدیی کیمی، قارداشی و باجی‌سی محانین یازیچیلیقلا مشغول اولماسینین اساس سببکارلارینداندیر.