تورکییه‌لی مشهور موغه‌ننی سیبل جان باکی‌دا شهیدلر خیابانینی زیارت ائدیب.

Kult.az خبر وئریر کی، او، ایش آدامی روحییه علیئوا ایله بیرگه شهیدلر خیابانینا گلیب. کورک آنلار یاشایان ایفاچی باکی‌داکی «تورک شهیدلییی» عابده‌سینه ده باش چکیب.

موغه‌ننی ژورنالیستلره آچیقلاماسین‌دا ۲۰ یانوار فاجعه‌سینین هئچ زامان اونودولمایاجاغینی دیله گتیریب:

«مطلق زیارت ائتمه‌لی ایدیم. یوخسا راحت اولمازدیم. الله بیزه ائله آنلاری بیر ده یاشاتماسین. روحلاری شاد اولسون. هئچ واخت اونودولمایاجاقلار.

دوستوم روحی خانیمین سایه‌سینده زیارتیم باش توتدو. باکییا گلنده فرصت دوشدوکجه بئله زیارتلریمین اولماسینی ایستییرم. بو، چوخ آغیردیر. هر بیرینین مکانی جنت‌دیر».

«ابدی آجیدیر. آجی اونودولمور، گئتدیکجه بؤیویور. بیر قدر اؤنجه شهیدلردن بیرینین یاخینینی گؤردوم. چوخ پیس اولدوم. آرزوم بودور کی، هئچ زامان قان تؤکولمه‌سین. محاربه اولماسین. روحلاری شاد اولسون»، - دئیه صنعتچی علاوه ائدیب.