۲۱ یانوار بوتون دنیادا بین‌الخالق قوجاقلاشما گونو کیمی قید ائدیلیر .

Kult.az خبر وئریر کی، ۱۹۸۶-جی ایلده آمریکا-دا میللی قوجاقلاشما گونو کیمی قید اولونماغا باشلایان بو تاریخ سونرالار بوتون دنیادا یاییلیب.

عنعنه‌یه اساساً بو گون هر کس، حتی بیر-بیرلرینی تانیمایان انسانلار بئله بیر-بیریلری ایله دوستجا قوجاقلاشیر. گنج اولماسینا باخمایاراق بو گونون کیم طرفیندن یارادیلدیغی، یارانما سببی و نیه محض بو تاریخین سئچیلمه‌سی معلوم دئییل.

غیر-رسمی معلوماتلارا گؤره بو گون طلبه‌لر طرفیندن تاسیس اولونوب. محض بو گون گنج اوغلان و قیزلار هئچ بیر سبب اولمادان بیر-بیریلری ایله قوجاقلاشیر، مختلف فلشموبلار تشکیل ائدیرلر.

پسیخولوقلارین فکرینجه قوجاقلاشماغا جهد ائد‌ن انسانلار داها چوخ سئوگی، راحتلیق و تهلوکه‌سیزلیک حسینه احتیاج دویورلار.

بایراملاشارکن سیزه یاخین انسانلارلا قوجاقلاشماغی اونوتمایین، بونونلا اونلارین سیزه نه قدر عزیز اولدوقلارینی و اونلارا قارشی حس ائتدیینیز صمیمی حسلری سئودیکلرینیزه خاطیرلاتمیش اولارسینیز.