آذربایجان اصیللی یازیچی یارادیجی‌لیغینا گؤره ایراندا چوخلو مکافاتا لایق گؤرولوب و اثرلری آذربایجان، تورک، روس، عرب، یاپون و انگلیس دیللرینه ترجمه ائدیلمیشدیر. اونون ان مشهور اثرلری آراسیندا "زیرزمی قوشو" و "تبت آرزوسو" وار.

Kult.az خبر وئریر کی، فریبا وفی ۲۱ یانوار ۱۹۶۳-جو ایلده ایرانین تبریز شهرینده، آذربایجانلی بیر عائله‌ده آنادان اولوب.

اونون ایلک قیسا حکایه کولکسیاسی "صحنه‌نین درینلیکلرینده" «چشمه» نشریاتی طرفیندن ۱۹۹۶-جی ایلده نشر ائدیلیب. اونون ایکینجی قیسا حکایه کولکسیاسی "حتی گولدویوموز واختدا" (حتی وقتی میخندیم) «نشری-مرکز» نشریاتی طرفیندن ۱۹۹۹-جو ایلین پاییزیندا نشر ائدیلیب. ۲۰۰۲-جی ایلده همین نشریات وفینین ایلک رمانینی – "زیرزمی قوشو" اثرینی نشر ائدیلیب. بو رمان گلشیری و یلدا مکافاتلارینا لایق گؤرولدو. رمان ۲۰۰۹-جو ایلده «سیراکس اونیورسیتت پرس» طرفیندن انگلیس دیلینده، ۲۰۱۰-جو ایلده «پونت ۳۳» طرفیندن ایتالیان دیلینده، ۲۰۱۲-جی ایلده ایسه آلمان دیلینده، ۲۰۱۱-جی ایلده کورد دیلینده، ۲۰۱۶-جی ایلده تورک دیلینده، ۲۰۱۸-جی ایلده ایسه «پارلاق امضالار» طرفیندن آذربایجان دیلینده نشر ائدیلیب. اثری آذربایجان دیلینه شرقشوناس، تئله‌ژورنالیست آریز تاروئردیئو ترجمه ائدیب.

اونون ایکینجی رمانی "ترلان" ۲۰۰۴-جو ایلده «نشری-مرکز» طرفیندن نشر ائدیلیب. رمان «سوژت ورلاگ» طرفیندن آلمان دیلینده نشر ائدیلیب و ۲۰۱۷-جی ایلده «لیبراتورپریس» ادبی مکافاتینا لایق گؤرولموشدور.

داها سونرا، اونون "تبت رویاسی" (رویایی تبت) رمانی ۲۰۰۵-جی ایلده «نشری-مرکز» طرفیندن نشر ائدیلیب و بو رمان "ان یاخشی رمان" کاتگوریاسیندا هوشنگ گلشیری مکافاتینا لایق گؤرولدو.

اونون "دالانداکی سیرر" (راضی در کوچه‌) رمانی ۲۰۰۸-جی ایلده نشر ائدیلیب، ۲۰۱۱-جی ایلده ایسه «زولما» طرفیندن فرانسیز دیلینه ترجمه ائدیله‌رک نشر ائدیلیب.

اونون اوچونجو کلکسییاسی "ویلایا اولان یولدا" «چشمه» نشریاتی طرفیندن ۲۰۰۸-جی ایلده نشر ائدیلیب. وفینین "آی تماملانیر" رمانی و"هامیسی افقده" قیسا حکایه کلکسییاسی ۲۰۱۱-جی ایلده نشر ائدیلیب.

اونون سونونجو رمانی "سوندان سونرا" ۲۰۱۴-جو ایلده، سونونجو قیسا حکایه کلکسیاسی "کولکسیز، آوارسیز" ایسه ۲۰۱۶-جی ایلده ایشیق اوزو گؤروب.

آلمان آکادمیک مبادله خدمتینین ادبیات اوزره ۲۰۲۰-جی ایل خصوصی مکافاتینا لایق گؤرولن مشهور یازارلار آراسیندا فریبا وفی ده وار ایدی. وفی همچینین، بیر ایل برلین شهریده یاشاماق حقوقو قازانمیشدی.

فریبا وفی ائولیدیر، بیر اوغلو و بیر قیزی وار. حال-حاضردا عائله‌سی ایله بیرلیکده تهران شهرینده یاشاییر.