تورکییه‌نین شانلی‌اورفا بؤلگه‌سینده زیبیل‌لیکدن ضیافت پالتاری تاپاندان سونرا سویندییندن رقص ائد‌ن قیزجیغاز و اونو آلقیشلایان آناسینین گؤرونتولری سوسیال مدیادا سرعتله یاییلیب.

Kult.az خبر وئریر کی، کادرلارا تورکییه‌نین ان سئویله‌ن آکتریسالاریندان اولان بئرگوزار کورل ده بیگانه قالماییب و خئیرییه جمعیتی واسطه‌سیله اونلارلا علاقه یارادا بیلیب.

معلوم اولوب کی، قیزجیغازین آدی سومییادیر. آکتریسا بونونلا باغلی اؤز حسابیندان پایلاشیم ائدیب:

«اونلارا ائو آختاریریق. ال-اله وئریب بو آنا-قیزینی سئویندیرک»، - دئیه، او پایلاشیمیندا قید ائدیب.

بوندان باشقا عائله‌یه چوخلو یاردیملار ائدیلیب. آنجاق آنا ایانه‌لردن یالنیز پالتاریویان ماشینی قبول ائدیب.