محمد فضولی آدینا الیازمالار اینستیتوتو دونیادا ان زنگین شرق یازیلی عابده‌لرینین توپلاندیغی مرکزلردن بیریدیر.

Kult.az خبر وئریر کی، آذ تی.وی–نین امکداشلاری نادیر نسخه‌لر ساخلانیلان الیازمالار اینستیتوتوندا اولوب.

سوژت‌ده الیازمالار اینستیتوتوندا ساخلانیلان صفوی ایمپرییاسینین حکمداری ۲-جی شاه عباسین فرمانی، قاراباغ خانی مهدی‌قولو خان جوانشیرین قیزی، شاعره خورشیدبانو ناتوانین «گول دفتری - تصویرلی شعیرلر آلبومو» آدلی شخصی دفتری، مشهور عالیم ابن سینانین «القانون فی‌الطب» آدلی اثرینین الیازماسی باره‌ده معلومات وئریلیب.

اینستیتوتون هم سرگی، هم ده الیازمالارین ساخلانماسی اوچون خصوصی اطاقلاری وار.

اینستیتوت‌دا عمومی‌لیکده اون ایکی مین الیازما ساخلانیلیر. بورادا اثرلرین الیازمالاری ایله یاناشی، مختلیف فرمانلار، مکتوبلار و بیر سیرا تاریخی سندلر قورونور. قورونان اثرلر سیراسیندا ان ظریف و ان اینجه الیازما خان قیزی خورشیدبانو ناتوانین «گول دفتری»دیر. دفترده خان قیزینین چکدیی رسملر و شعیرلری وار.

اطرافلی سوژتی تقدیم ائدیریک: