دونیا اولدوزو بریتنی ایسپیرس قوناقلارین شیکایتیندن سونرا «فوور سئاسونس هتل» طرفیندن قارا سیاهییا سالینیب.

Kult.az-این معلوماتینا گؤره، بریتنی ایسپیرس قالماقاللی داورانیشی ایله هتلین امکداشلارینی و قوناقلاری بئزدیریب.

«او، ایللردیر کی، وستلیک-ویللیجده‌کی «فوور سئاسونس» هتلینه گلیر. لاکین سون واختلار ایشچیلرین باش آغریسینا سبب اولور. کئچن ایل اونا هتل‌ده یاشاماق قاداغاسی قویولدو، سونرا اجازه وئریلدی، ایندی ایسه یئنی‌دن قارا سیاهییا سالینیب. بعضی قوناقلار اونون حوض کنارین‌دا سینه‌سی آچیق گزه‌رک باشقالارینی ناراحات ائتمه‌سیندن شیکایتلنیبلر. اونون داورانیشی چوخ واخت غریبه و بئزدیریجی اولور»، - دئیه اینسایدئرلر بیلدیریب.

موغه‌ننینین منجری خبرین حقیقتا اویغون اولمادیغینی دئییب. هتلین نماینده‌لری وضعیتله باغلی هله‌لیک شرح وئرمک ایسته‌مه‌ییبلر.