ابولفضل ائلچیبیین ده چوخ سئودیی ماهنیلار ایچریسینده «سکینه داییقیزی»نی اکثر اینسانلار خالق ماهنی‌سی کیمی بیلیرلر. اصلین‌ده، بو، یانلیش معلومات‌دیر. ماهنی ایلک دفعه ایران‌دا «گوگوش» کیمی تانینان فایقه آتشی ایفا ائد‌ندن سونرا پوپولیار اولوب. ماهنینین مؤلفی باکی‌دا آنادان اولماسینا باخمایاراق، ایران‌دا یاشامیش علی سلیمی‌دیر.

Kult.az خبر وئریر کی، بونو تاریخچی عالیم، دوسسنت زائور علیئو بیلدیریب.

ماهنینین یارانما تاریخچه‌سینه توخونان تاریخچی عالیم بیلدیریب کی، علی سلیمی باش توتمایان سئوداسینا اتحافاً بو ماهنینی عرصه‌یه گتیریب:

«علی زهراب اوغلو سلیمی باکینین کوبینکا محله‌سینده آنادان اولوب. آتاسی اردبیل یاخینلیغینداکی مهماندوست کندیندن، آناسی مشهدی جواهر ایسه پیرشاغیلی ایدی. ایلک تحصیلینی باکی‌دا آلیب، لاکین ایستالین رپرسییاسی سلیمیلر عائله‌سینی ایران تبعه‌لری کیمی ۱۹۳۸-جی ایلده باکی‌دان سورگون ائدیب.

باکی‌دا اولان زامان علی سلیمینی داییسی قیزی سکینه ایله ائولندیرمک باره‌ده عائله‌لری راضیلیغا گلیرلر. لاکین سورگون اولدوقدان سونرا بو سئودا باش توتمور.

ایرانا کؤچه‌ن علی سلیمی بیر چوخ ماهنیلار یازیر، هانسیلار کی، تاریخه دوشوب. اونون ماهنیلارینین ایلک ایفاچی‌سی دا «وارتوش» لقبیله تانینان فاطما قنادی اولوب. لاکین حیات یولداشی «سکینه داییقیزی» ماهنی‌سینی اونون ایلک عشقینه قارشی قیسقانجلیق ائتدیی اوچون اصلا ایفا ائتمه‌ییب.

علی سلیمی ماهنینی ایلک دفعه ایفا ائتمک اوچون فایقه‌دن خواهیش ائدیر. لاکین او دا رفیقه‌سی وارتوشون خطرینه ایمتینا ائدیر. ایشه شهریار قاریشیر و اونو چاغیریب «سن نئجه آذربایجانلی‌سان کی، آذربایجان دیلینده اوخومورسان» ایرادینی بیلدیریر. بوندان سونرا فایقه ماهنینی ایفا ائدیب.

آمریکایا کؤچندن سونرا ارمنی اصیل‌لی آمریکالی ایله عائله قوران و گوگوش کیمی تانینان فایقه اری اونا جدی قاداغا قویدوغو اوچون اوزون زامان بو ماهنینی رپرتوارا سالمیر.

لاکین ۲۱ مارت ۲۰۱۰-جو ایلده لوندوندا نووروز بایرامی گونو چیخیش ائد‌ن گوگوش یئردن چوخسایلی سسلری نظره آلیب، یئنی‌دن بو ماهنینی ایفا ائدیب. گوگوش کنسرت زامانی اؤز آنسامبل عضولرینه ایشاره ائد‌رک، «گؤرون، آرگنتینالی، پوئرتو ریکالی، ونزوئلالی «سکینه داییقیزی نای نای» ایفا ائدیرلر» - دئیه زارافات دا ائدیب.

آذربایجاندا بو ماهنینین ایلک ایفاچیلاریندان بیری صابیر علیئو، سونرا ایسه روبابه مرادووا آناسینین خواهیشی ایله اوخویوب. علی سلیمی تبریزده رحمته گئدیب.