بو گون گونئی آذربایجان‌لی یازیچی، دنیادا ایرانداکیندان داها چوخ تانینان رضا براهنینین دوغوم گونودور.

Kult.az خبر وئریر کی، رضا براهنی ۱۹۳۵-جی ایلده تبریزده آنادان اولوب.

آذربایجان ملی حکومتی (۱۹۴۵–۱۹۴۶) دؤنه‌مین‌ده ایلک تسیلینی آنا دیلین‌ده آلان براهه‌نی، میللی حکومتین سوقوطون‌دان سونرا آذربایجان تورکجه‌سینه قاداغا قویولدوغونا گؤره تحصیلینی فارسجا داوام ائتدیرمیش‌دیر.

۱۹۶۵–۱۹۸۳-جو ایللرده تئهران اونیوئرسیتئتین‌ده چالیشان رضا براهه‌نی ایستر پهلوی حاکمیتی دؤورون‌ده، ایسترسه ده ایسلام جومهوریتی دؤنه‌مین‌ده دفعه‌لرله سیاسی باخشلارینا گؤره هب اولونوب.

۱۹۹۶-جی ایلده ایرانی ترک ائد‌رک کانادادا کؤچه‌ن تبریزلی یازیچی عمرونون سون ایللرینه کیمی تورونتو شهرین‌ده یاشاییب.

او، بین‌الخالق قلم درنیینین (پن) عضوو اولوب، ۲۰۰۱-جی ایلده‌ن عمرونون سون ایللریندک کانادا قلم درنیینین باشچی‌سی کیمی فعالیت گؤستریب.

رضا براهنی، پهلوی و ایندیکی تهران حکومتینین آذربایجان تورکجه‌سینه قویدوقلاری قاداغالارلا باغلی اونلارلا مقاله یازیب.

«ابتدایی مکتبده اوخودوغوم واخت تورکجه اینشا یازدیغیم اوچون معلم انشا یازدیغیم ورقی زورلا منه یئدیردی»-دئیه، براهنی خاطره‌لرین‌ده قید ائدیب.

چوخ سایدا شعر، رومان مؤلفی اولان رضا براهنی داها چوخ «یوردومون سیرلری» (رازهای سرزمین من) رومانی ایله مشهورلاشیب.

براهنینین بو اثری اینگیلیسجه، فرانسیزجا، عربجه، اسپانجا و باشقا دیللره ترجمه اولوناراق یاییلیب و دنیانین ان چوخ اوخونان رومانلاری سیراسیندا یئر آلیب.

رضا براهنی، ۲۵ مارت ۲۰۲۲-جی ایلده ۸۶ یاشیندا تورونتودا دنیاسینی دییشیب، اؤزو تبریزده دفن اولونماسینی وصیعت ائتسه ده، بو ممکن اولماییب و یازیچی شهرین الگین میلس قبرستانلیغیندا دفن اولونوب.

عائله‌سی و چوخ سایدا آذربایجانلی اونون دوغما وطنینه گتیریله‌رک تبریزده دفن اولونماسینینا چالیشسالار دا، حکومت بونا اجازه وئرمه‌ییب.

یازیچینین تبریزده یاشایان اوغلو اوگتای براهنی مارتین ۲۵-ده اؤزونون "انستاگرام" حسابیندا پایلاشیم ائد‌رک آتاسینین تبریزده تورپاغا تاپیشیریلاجاغینی بیلدیرسه ده، حکومتین تضییقی نتیجه‌سینده بوندان امتنا ائتمه‌یه مجبور اولوب.